A hora de espertarmos xuntos

A Karmele Urresti a Guerra Civil sorpréndea na súa Ondarroa natal. Mentres a poboación foxe ao exilio, ela decide quedar curando os feridos e tratando de liberar o seu pai, que foi encarcerado. Ao remate da guerra debe abandonar a súa terra e partir cara a Francia, onde pasa a formar parte da embaixada cultural vasca. Alí coñece ao que será o seu home, o músico Txomin Letamendi. Xuntos percorren media Europa até que, a piques de caer París en mans dos alemáns, foxen a Venezuela. Xaora, a Historia irrompe de novo na súa vida. Cando Txomin decide sumarse aos servizos secretos vascos, a familia regresa en plena Segunda Guerra Mundial a Europa, onde el realiza labores de espionaxe contra os nazis até que é apresado en Barcelona, baixo unha ditadura á que non sobrevivirá. Karmele terá que arriscar a súa vida e partir, soa desta volta, coa esperanza cega de quen deixa atrás o máis prezado.
“A hora de espertarmos xuntos” é a gran novela sobre a historia vasca, española e europea desde o século XX até os nosos días.

Formato:

24,95 €

( impuestos incluidos )

SOBRE EL AUTOR/A

Kirmen Uribe

Kirmen Uribe (Ondarroa, Biscaia, 1970), licenciado en Filoloxía Vasca, cursou estudos de posgrao en Literatura Comparada en Trento. Considerado un dos máximos renovadores do panorama literario en éuscaro, é autor de proxectos multimedia nos que, en colaboración con músicos e artistas plásticos e audiovisuais, combina a literatura con diferentes disciplinas artísticas. Participou en numerosos encontros internacionais de literatura en Europa, Asia e América, e publicou en revistas de prestixio como "The New Yorker". A publicación en 2001 dos seu libro de poemas "Bitartean heldu eskutik" ("Mentres tanto dáme a man") supuxo, segundo a crítica, unha "revolución tranquila" na literatura euscalduna, recibindo o Premio da Crítica e sendo traducido a diversas linguas. Como narrador deuse a coñecer con "Bilbao-New York-Bilbao" (2008, Xerais 2010), novela que recibiu o Premio da Crítica 2008, o Premio da Fundación Ramón Ruibal á obra artística do ano 2008, o Premio do Gremio de Libreiros de Euskadi e o Premio Nacional de Narrativa 2009. Despois publicou as novelas "Mussche" ("O que move o mundo", 2012) e "Elkarrekin esnatzeko ordua" ("A hora de espertarmos xuntos", 2016, Xerais 2017).

Isaac Xubín

Isaac Xubín (A Coruña, 1978) é licenciado en Filoloxía Galega pola Universidade de Vigo e mestre en Política lingüística e planificación da lingua galega. Como poeta publicou "Lisboa", Premio de poesía da Universidade de Vigo, 2004; "Con gume de folla húmida", Premio Lorenzo Baleirón, 2010; e "A cadencia da fractura" (Xerais 2017), Premio de poesía Manuel Lueiro Rey 2016: Como narrador publicou os relatos "Château Bobcat" e "Le pied de Julien DuPuy" (ambos os dous primeiro premio do Certame Os Viadutos de Redondela) e a novela "Non hai outro camiño" (Xerais, 2016). Elaborou o dicionario bilingüe galego-éuscaro e publicou traducións, entre as que destacan "Sete poetas vascos" e "Tempo de exilio", de Joseba Sarrionandia, polos que gañou os premios de tradución Loís Tobío (2013) e Etxepare (2015) respectivamente.

❮ ❯