Montserrat Ferreira Fervenza

Montse Ferreira Fervenza nace na aldea de Quintela (Redondela), pero reside en Vigo dende os vinte anos. Enfermeira do Sergas, é unha apaixonada das artes escénicas formada en interpretación, dramaturxia e escrita creativa.
Coa compañía de teatro Arte Livre goza nos escenarios de Londres, Illa de Madeira, Algarve, Santiago de Compostela, Cangas, Vigo…, e interpreta papeis en obras como “As bruxas de Salem”; “Ídolos de papel”; “Evita Perón”; “Inspector Xeral”» ou “Cincenta”.
Totalmente seducida pola creación de personaxes, escribe e dirixe varias obras teatrais.
Participou no proceso de escrita do libro “Tecido de voces” cos relatos “A serra” e “O ouvido do lobo”. “O ano das mazás” (Xerais, 2023) xorde do seu desexo de espallar os segredos dunha aldea que latexou na posguerra.