Vapor

Helena ten 19 anos e hai un sufriu un terrible accidente de avión. Só ela sobreviviu. A partir dese tráxico suceso, a súa vida cambiou por completo. Ela, unha persoa alegre, empezou a amosar bruscos cambios de humor. O seu presente é de cor negra: case sempre está abatida, irascible ou triste. E, a miúdo, séntese vapor: coma se transitase entre a realidade e a irrealidade. Desde o accidente, a súa existencia está estreitamente vinculada a un segredo. Ela e o seu segredo son inseparables. Algo inconfesable ocorreu naquel avión sinistrado.
¿Que foi o que pasou?
¿Por que só se salvou Helena?
¿Cal é o seu segredo?
Vapor comeza no momento en que Helena decide coller folgos e confesarlle todo a Nathan, o seu mozo. Pero non recibe a resposta agardada: sae correndo e déixaa plantada. Ela derrúbase e séntese, máis ca nunca, vapor. Está farta. Por moito que o intenta, non consegue encontrar nin unha pequena luz que a guíe entre as tebras que tinguen a súa vida. Unha vida que Helena desexaría pintar de verde, a cor da esperanza.

Formato:

6,99 €

( impuestos incluidos )

SOBRE EL AUTOR/A

Pere Tobaruela

Pere Tobaruela naceu en Barcelona en 1965 e vive dende hai anos en Rois. É por isto que alterna a escrita en catalán e en galego. Con máis de corenta títulos publicados en varias editoriais, transita por diversos xéneros literarios: libro ilustrado, banda deseñada, ensaio, biografía, conto, novela... Dentro da súa produción novelística atopamos obras infantís e xuvenís, e tamén para o público adulto. En Xerais, é autor dos seguintes títulos: «A cripta do apóstolo» (2010); «Poñente» (2011); «Mariña e o balón» (2020) e «Mariña e o balón. O primeiro gol» (2026). Ademais, xunto con Andrés Meixide, é coautor da serie Formig4s, que xa conta con oito títulos.

Lea Tobery

Lea Tobery criouse en Alburquerque (EEUU). Ten 29 anos. Graduouse en Saúde e Servizos Sociais na New México State University. O seu interese polo máis alá e a súa paixón pola lectura das novelas de amor clásicas levouna a escribir Resurrección (Xerais 2011) a súa primeira novela e Vapor (Xerais 2014). Entusiásmalle contar historias sobre fenómenos paranormais, pasar as horas mortas polas librarías e ler no seu sofá preferido acompañada polos seus dous gatos. Na actualidade, por motivos laborais do seu marido, que é axente literario, reside temporalmente en Roma. En febreiro de 2014, Pere Tobaruela desvelou a utilización de Lea Tobery como un dos seus heterónimos.

❮ ❯