Capitán Lentella 3.Tras a materia escura

A viaxe continúa! Mentres os audaces Lalo e Rufino descobren novos lugares e personaxes, parte da tripulación pregúntase como atopar o famoso astrónomo Pekler, o único que pode darlles a pista que os leve ata a base do malvado Aphis. Pero o capitán ten outras prioridades: seguir coa súa gran volta ao Universo. A tensión comeza a medrar entre os dous compañeiros, e o que parecía unha amizade indestrutible está a piques de romper. Será esta a fin da súa aventura?

Formato:

6,99 €

( impuestos incluidos )

SOBRE EL AUTOR/A

Jorge Campos

Jorge Campos naceu en Ourense en 1982 e criouse entre a caloriña das Burgas e a maxia da Ribeira Sacra. Estudou arquitectura na Coruña e, nun xiro maxistral da vida, volveu á súa cidade natal, onde estudou ilustración na escola de arte Antonio Faílde. Converteuse entón en «ilustratecto». Tras gañar varios certames de banda deseñada, en 2017 publicou a súa primeira obra, «Alter·nativo», que obtivo o premio ao mellor libro de banda deseñada na Gala do Libro Galego. Tamén é autor e coautor das bandas deseñadas «Unha mestra en apuros» (I, II e III), «O destino de Kameko» e «As aventuras de Vani: Montaña» e os títulos «Capitán Lentella. Aventura a todo gas» (Xerais, 2022), «Capitán Lentella. Unha nova chuvia de estrelas» (Xerais, 2024) e «Capitán Lentella. Tras a materia escura» (Xerais, 2026). Outras obras destacadas súas son «A vida diaria dos romanos», «Un día de festa en... Allariz» e o «Atlas da Galicia pequeniña». Se te atopas con el pola rúa, é moi probable que o vexas sorrindo. Podes seguilo nas redes sociais, na súa conta @ilustratecto.