Teresa Novoa

Arquitecta de formación, comeza a dedicarse á ilustración de libros a partir de 1990. Publicou en España, Xapón, México, Alemaña ou Corea. Así mesmo, participou en numerosas exposicións, tanto nacionais como internacionais. No ano 2000 foi seleccionada polo Ministerio de Cultura para a exposición «A todo color», e en 2005 formou parte da mostra «Ilustrísimos» na Feira Internacional do Libro Infantil de Boloña. Foi merecedora do Premio «A la orilla del viento» de álbum ilustrado (1999), do Premio White Ravens da Internationale Jugendbibliothek de Múnic (2005) e do Premio CCEI de ilustración (2005). En Xerais, é autora das ilustracións dos libros «A praia da esperanza» (2003-2023) e «Leocadio, o León» (2009).