Xacobe Medina Dacasa

Xacobe Medina Dacasa (Pontevedra, 2000). Dende neno mostra un grande interese pola música, o que o leva a estudar violín e viola no CMUS Manuel Quiroga e a entrar, aos 14 anos, como violinista titular da Orquesta de Niños Sinfónica de Galicia. Entre o 2015 e 2016 comeza a compoñer pequenas obras que son interpretadas polo coro Luis García Limeses e a orquestra do Conservatorio de Pontevedra.
No ano 2017 iníciase na literatura escribindo obras como “La vida actual según los dioses”, “Adral da filosofía”, “Memorias dun profesor” ou “Lembranzas dun mestre subversivo” (Xerais, 2023).
Tamén crea vídeos de divulgación humanística na canle de YouTube Xaco Medina e, en 2022, licénciase en Filosofía na USC cun traballo fin de grao sobre a estética kantiana. Na actualidade cursa o Máster de filosofía da USC e prepara o seu TFM sobre o fenómeno estético-musical que significaron os Beatles.