A cegueira

A cegueira é unha reflexión sobre a banalidade do mal. Os seus personaxes participan nunha cerimonia do horror. Ninguén pode fuxir desta eucaristía. O Rei Nu atravesa Palestina e vaise afundindo na historia de humillacións dun pobo que está a ser exterminado. Marta e María non deixan de cavar. O Padre decreta o vómito sobre a carne humana excentaria. Xudas e Barrabás odian os seus papeis e, mesmo así, expanden a amnesia do cancro. Neste territorio devastado, a xestión da barbarie vira norma sagrada.

Formato:

15,50 €

( impuestos incluidos )

SOBRE EL AUTOR/A

Marcos Abalde Covelo

Marcos Abalde Covelo (Vigo, 1982). Como dramaturgo obtivo o Premio Josep Robrenyo 2008 por «Canibalismo»; o Premio Álvaro Cunqueiro 2011 por «A cegueira» (Xerais, 2012); o Premio Marqués de Bradomín 2012 por «Xudite»; o Premio Bienal de Teatro Romaría Viquinga 2012 por «Saga de Iacobsland»; o Premio Varela Buxán 2016 por «Oito epitafios por Troia»; o Premio Diario Cultural de Teatro Radiofónico 2018 por «Psicofonías» e o Premio Abrente 2020 por «O tsunami». Como poeta publicou «Oenach» (Premio Fiz Vergara Vilariño, 2014), «Exhumación» (Xerais, 2016, Premio Manuel Lueiro Rey) e «Alcatrán» (Xerais, 2021, Premio Johán Carballeira 2020). Impulsou o proxecto «Ferrol rebelde».