A guerra dos botóns

Levada ao cine con éxito en varias ocasións, a novela A guerra dos botóns, de Louis Pergaud, relata a intensa rivalidade que enfronta os nenos e nenas de dúas vilas veciñas, rivalidade que dá lugar a numerosas emboscadas, golpes, batallas, insultos e pedradas repartidas entre un e outro bando.
Publicada en 1912, esta obra é un clásico que fala da infancia, da amizade, do compañeirismo, da lealdade, da inocencia, da crueldade e da ideoloxía. O título do libro procede do botín de guerra: os botóns extraídos das roupas dos «inimigos» como símbolo de humillación. A guerra dos botóns describe un mundo desaparecido e lanza unha interpretación irónica e pacifista sobre os conflitos bélicos.

Formato:

6,99 €

( impuestos incluidos )

SOBRE EL AUTOR/A

Louis Pergaud

Louis Pergaud ((Belmont, Doubs, 1882 - batalla de Woëvre, Meuse, 1915) foi un escritor francés. Quixo ser científico, pero as súas aspiracións víronse truncadas como consecuencia da morte do seu pai e o escaso nivel adquisitivo da súa familia. Traballou como profesor suplente en Durnes e Landresse e, máis tarde, exerceu de mestre rural. En 1908 publicou o seu primeiro libro de poemas, polo que lle foi outorgado o Premio Goncourt. Será en 1912 cando publique A guerra dos botóns, obra de marcado carácter autobiográfico que narra en ton entrañable e desenfadado as aventuras derivadas da rivalidade entre os mozos de dúas vilas francesas. Pouco tempo despois apareceu Miraut, can de caza, tamén ambientada no medio rural. A publicación destas obras foi simultaneada coa redacción de artigos xornalísticos, poemas, relatos e estudos de psicoloxía animal. Morreu en acto de servizo durante a primeira guerra mundial, na que combatía como sarxento do exército francés.