A pequena osa quere xogar

Iago López Santos (Ourense, 1977) é mestre en Educación infantil e contacontos. No seu tempo libre dedícase ao mundo do teatro como actor e director en grupos como Marañao ou Chéspir Teatro. É autor dos álbums «O cociñeiro Martiño» (Xerais 2016), «O cociñeiro Martiño e as cenorias desaparecidas» (Xerais 2018) e «Marosa e Mariña camiñan a Compostela» (Xerais 2021), ilustrados por Macus Romero; e «A pequena osa quere xogar» (Xerais 2025), ilustrado por Olaya Naveira.

Olaya Naveira naceu en Ordes en 1990. É licenciada en Comunicación Audiovisual pola Universidade de Santiago de Compostela e Técnica Superior en Ilustración pola EASD Pablo Picasso. Rematados os estudos, recibe o Premio Extraordinario na modalidade de Artes Plásticas da Xunta de Galicia. Na actualidade, traballa como ilustradora e deseñadora gráfica no sector editorial. En Xerais, é autora das ilustracións do álbum «A pequena osa quere xogar» (2025).