A terra queima

XURXO SOUTO (1966). Terrícolo redondo. Naceu na Coruña, cidade-barco, mais nada sabía das cousas do mar. Así que comezou a preguntar e a compartir polo medio que for tanta descuberta. No ano 1999 gravou cos Diplomáticos de Monte-Alto o CD «Capetón», nome en galego do mar de Cape Town, na fin de África. En 2006 dirixiu o programa «Mil Ribeiras», na Radio Galega. Escribiu «Contos do mar de Irlanda» (Xerais, 2014) e a novela «A gran travesía de Chiruca Macallás» (Xerais, 2018). Dúas décadas despois da súa aparición, recuperamos (en clave celebración) a primeira parte deste libro: «O retorno dos homes mariños» (Xerais, 1999, 2020), o relato dunha verdadeira iniciación oceánica. Porque, como dixo Staffan Mörling: «Non vivimos na fin da Terra, nós vivimos no centro do Mar». "Somos un pobo de artistas. O método Luísa Villalta (Xerais, 2024) é a súa última obra. (Foto do autor: Sofía de Labañou)

Lalo Carnota (A Coruña, 1968), músico e compositor, imparte clases na Escola Municipal de Música da Coruña e foi membro de varios grupos e proxectos musicais como Casi Casi ou Jazz Skills. No ámbito da didáctica, e autor de varios manuais de guitarra, baixo e teoría musical, e súa foi a concepción do libro-disco A Terra Queima (Xerais, 2013), escrito e narrado por Xurxo Souto e musicado por el. A súa páxina web é www.lalocarnota.com.

María José Barreiro (A Coruña, 1982). A súa vocación sempre estivo vinculada ao mundo do debuxo e do deseño. En consecuencia, tras catorce anos garabateando en xornais e calquera anaco de papel dispoñible, decantouse por cursar Técnico Superior en Ilustración e Gráfica Publicitaria. Os seus primeiros pasos profesionais foron as ilustracións de Abecedario das letras e do álbum Cantando conmigo de Mamá Cabra (2003), pero dende entón esta xove ilustradora leva realizado e colaborado nun bo número de proxectos interdisciplinares. Arestora compaxina a ilustración co traballo de deseñadora en campañas publicitarias para axencias de publicidade. A Terra Queima (Xerais, 2013) é a súa primeira colaboración con Xerais. Para saber máis sobre os seus traballos: www.argallada.com