Alma de barro

Ao ler «Alma de barro. Relatos da Ribeira Sacra», tiven a impresión de que apreixaba nas mans un libro dun valor impresionante. O idioma é espléndido. Poucas veces lin un galego tan puro, tan perfecto. Unha obra merecente de converterse nun clásico en galego. Unha obra que non podía permanecer agochada, que ten que saír á luz.
É unha impagable homenaxe á terra, ás fermosísimas paisaxes da Ribeira Sacra, pero tamén á obra humana, á recuperación do labor dos devanceiros e sobre todo da lingua. A lingua na que expresaban as súas esperanzas, o seu desacougo, a súa idea da morte e da vida. (Asinado: Basilio Losada).

Formato:

18,50 €

( impuestos incluidos )

SOBRE EL AUTOR/A

Moncha Prieto

Moncha Prieto (Gundivós, Sober, 1951) viviu en Barcelona dende os quince anos até 1995, cando regresa definitivamente a Galicia. Foi secretaria do Centro Galego de Barcelona e colaborou con diversas asociacións e revistas literarias, como «Alborada» ou «Lúa Nova». Participou nos libros colectivos «Voz e Voto», de homenaxe a Celso Emilio Ferreiro, e «Vivir en presente». De 1985 a 1995 dedicouse ao mundo da radio: puxo en antena o programa «Galicia máis cerca» e foi compoñente do magazine matinal «Bonico» en Radio Gramenet. Neste eido, potenciou o nacemento e presidiu ERGAC (Espazos Radiofónicos Galegos en Catalunya); foi correspondente de Radio Progreso de Miami, sección noticias; e participou en Radio Exterior da Radio Galega. No ámbito literario, conseguiu varios premios de poesía, de relato e de escritura creativa. «Alma de barro. Relatos da Ribeira Sacra» é a súa primeira obra en Xerais.