As palabras que move o mar

As palabras que move o mar son catro relatos longos que teñen como fío condutor a memoria e a construción da identidade alicerzada neses recordos que permanecen imborrables na nosa vida ao longo dos anos. Por que determinadas impresións de natureza emocional, visual, olfactiva, táctil nos acompañan nesta viaxe de asombro e dúbidas que é a vida durante toda a travesía? Un sinal, un nome nun papel, un arrecendo que fotografa un lugar na retina da memoria. O destino é ser devorados por ese vendaval que é o paso do tempo. As palabras que move o mar é un dique contra o que bate a marusía gris e invernal do esquecemento.

Formato:

8,49 €

( impuestos incluidos )

SOBRE EL AUTOR/A

Xaime Toxo

Xaime Domínguez Toxo (Bueu, 1955) é pedagogo e mestre especialista en atención escolar a alumnos con cegueira e discapacidade visual. No traballo cultural foi fundador da Asociación Liboreiro de Bueu no ano 1974, membro na etapa universitaria en Compostela das asociacións culturais O Galo e O Eixo e na actualidade é presidente do Ateneo de Pontevedra. Obtivo o primeiro premio de narración Manuel Murguía no ano 2004, o primeiro premio do certame de relatos do Concello de Paradela do 2002 e accésit no premio Modesto Rodríguez Figueiredo no 2002. Ten numerosos relatos publicados en libros colectivos, revistas e xornais. As palabras que move o mar é o seu primeiro título en Xerais Narrativa.