Bragakadabra

Branca ten dez anos, está fartísima de «tea parties» con peluches e a súa vida parécelle máis gris ca unha tarde de choiva… ata que a avoa Coral, desaparecida hai anos, irrompe na casa cunha maleta vella e un segredo que vai poñer todo patas arriba. Sen explicacións e cunha ovella anana de compañeira, Branca viaxa a Ouessant: unha illa francesa onde as mulleres da súa familia gardan un don tan antigo coma perigoso. Alí terá que aprender a confiar en si mesma para lidar con bragas máxicas, carneiros que falan e unha perigosa rede social que transforma as persoas en zombis pegados a unha pantalla.

Precio:

12,95 €

( impuestos incluidos )

SOBRE EL AUTOR/A

Antía Yáñez

Antía Yáñez (Burela, 1991), enxeñeira, xestiona unha academia en Cecebre e organiza obradoiros literarios. Como narradora, comezou escribindo relato curto, ámbito no que gañou premios como Os Viadutos, o Xaime Illa Couto ou o Certame Literario de Cambre. Para o público infantil e xuvenil publicou as obras «O misterio de Portomarín» (2016), que ten a súa continuación en «O misterio do torque de Burela» (2019); a novela distópica «Be Water» (2019), «Plan de rescate» (Xerais, 2020), Premio Agustín Fernández Paz pola Igualdade, «A eiruga rabuda» (Xerais, 2026) e «Bragakadabra» (Xerais, 2026), XIX Premio Raíña Lupa de Literatura Infantil. En narrativa para adultos publicou a novela «Senlleiras» (2018, Premio Illa Nova) e participou no libro de relatos «Entre Donas» (2020). «O clan das barbies» (Xerais, 2024) é a súa segunda novela na colección Narrativa despois de «Non penses nun elefante rosa» (Xerais, 2022).

Paula Cheshire

Paula Cheshire (Pontevedra, 1993) é debuxante de cómics e ilustradora, é coautora da banda deseñada infantil «Miquits» e, como autora total, publicou «El duelo». Actualmente traballa como ilustradora freelance para diferentes editoriais. Nas súas redes sociais publica contidos en formato cómic sobre temas diversos, en especial sobre saúde mental en clave de humor. «Me das ansiedad» é un recompilatorio de parte dese traballo publicado na Rede. En Xerais ilustrou os libros «Wombo Combo» (2024), «O rescate do unicornio» (2025), «Queco e Kika» (2025), «Bragakadabra» (2026) e a serie de Ledicia Costas «Zodiakids 1. O poder das estrelas» e «Zodiakids 2. Lúa de sangue» (2026).

❮ ❯