Centoonce

Centoonce, un e un e mais outro un. A monotonía dunha vida covarde. Un poeta arrodeado das súas máis tristes referencias: as rutinas diarias do seu traballo, da súa parella e das visitas tristeiras aos bares. Até que, mesturada entre os seus soños, principia a descuberta doutra rapaza, arredada e non, desexada, pero tampouco. A imaxe, en definitiva, de todos os seus anceios. Unha escusa para se sentir vivo. Ou algo así. Daquela, atrapallado, covarde e mesmo miserable, con letras espidas, vai indo o poeta cara ao seu soño (que si, que non), decidido ao cabo, a se maldecir unha e unha e outra vez, ate sumar centoonce poemas.

Formato:

15,95 €

( impuestos incluidos )

SOBRE EL AUTOR/A

Kiko Neves

Kiko Neves (Ponteareas, 1969) recitou por primeira vez os seus poemas no XV Festival de Poesía do Condado. Desde entón deu conta de máis dun cento de recitais ao longo do país. Ten publicados os poemarios "Ruído de motos" (1997), "Un Poema de Amor" (1998) e "Centoonce" (Xerais, 2005) e a obra narrativa "Un baile de moscas" (Xerais, 2001). Participou nas publicacións colectivas "Catálogo da exposición Botella ao Mar" (2003) e "Sempre Mar. Cultura Contra a Burla Negra" (2003), e nas edicións 2002 e 2003 dos libros do Festival da Poesía do Condado. En 2002 colaborou con poemas propios no documental "Ollos da cidade" (con guión e dirección de Lara Bacelo). Colabora habitualmente nos xornais "A Peneira" (desde 1991) e "Novas da Galiza" (dende 2003), e participou no semanario satítico "XO!, A Voz que para as bestas" entre 1998 e 2001.