Compostela

«A arte de escribir consiste en dicir moito con poucas palabras», afirmaba Chéjov, o pai do conto moderno. Un reto para quen crea e unha aventura para quen le. Nestes vinte e dous relatos de «Compostela» achegámonos á cidade dende diversas voces e olladas, mais tamén fuximos dela a arrabaldes de grandes urbes, a vilas pequenas ou a barrios con encanto. Neste paseo literario gozamos de voces consagradas no xénero e doutras que se inician, xeracións diferentes que dialogan nunha mesma lingua na que constrúen historias enraizadas en nós. Cada conto é mostra do gran momento literario do país, estas páxinas son un remuíño de bolboretas mergulladas na mesma luz, a da literatura galega. (Malores Villanueva)
A cousa é que a nave foi. E con esta xa van tres… E esta, como di un amigo meu que canta moito e moi ben, «Partiu!». (Pedro Feijoo)

Formato:

20,95 €

( impuestos incluidos )

SOBRE EL AUTOR/A

Xosé Manuel del Caño

Xosé Manuel del Caño naceu en Santa Eufemia (Celanova) o 17 de decembro de 1955. É redactor de «Faro de Vigo» na delegación de Ourense. Dirixiu a revista literaria «Follas Secas». Impulsou a recuperación da casa de Manuel Curros Enríquez e a creación da biblioteca de Graham Greene no mosteiro de Oseira. Fundador do premio «Celanova, casa dos poetas». Publicou os libros «O mal tempo» (1981), «Lembranzas dun home» (1983), «Once nudos I» (1984), «Once nudos II» (1985), «Areas» (1990), «Conversas con Manuel María» (Xerais 1990), «Cen galegos» (1993), «Guía de Ourense» (1996), «Literaria» (1997), «Historia Ilustrada de Ourense» (2001), «Salgroso / A Muller de Lot» (2002), «Ourense. Paisajes, ciudades y monumentos» (2004), «Antonio Tovar. Conversas cun vello revoltado» (2005). «Alfonso S. Palomares. La lucha por la libertad» (2005), «Conversas con Méndez Ferrín. Historia, literatura, nación» (Xerais 2005) e «O misterio de Carlos G. Reigosa. Conversas» (Xerais 2007). Dende a Asociación Amigos do Libro Galego/Artes e Letras, coordinou as edicións das antoloxías de relato galego actual tituladas «Fisterra» (2022) e «Miño» (Xerais, 2023).

Varios Autores

❮ ❯