Galeg@s sen fronteiras

Galeg@s sen fronteiras presenta unha serie de conversas con algunhas das figuras máis relevantes da efervescencia cultural galega contemporánea. Escritores, músicos, cineastas, artesáns da palabra, da música e da imaxe, que examinan a profunda transformación cultural acontecida en Galicia nos últimos anos e a construción posible dunha nova Galicia cara ao século XXI. O conxunto destas conversas constitúe un achegamento ao estado da cultura da Galicia actual, unha exploración sobre o seu pasado recente e unha interrogación sobre o futuro posible, contra as fronteiras e as marxes.
Os diálogos distendidos e próximos que José Colmeiro mantén con Uxía Senlle, Miguelanxo Prado, Bieito Romero, Manuel Rivas, Antón Reixa, Xavier Villaverde, Mercedes Peón, Xurxo Lobato, Teresa Moure, Antón Lopo e Suso de Toro ofrécennos un interesante panorama dos diversos sectores da cultura galega das últimas épocas.

Formato:

8,49 €

( impuestos incluidos )

SOBRE EL AUTOR/A

José Colmeiro

José Colmeiro (Vigo, 1958). Doutor en literaturas hispánicas pola Universidade de California, Berkeley. Na actualidade dirixe a Cátedra Príncipe de Asturias de estudos hispánicos na Universidade de Auckland (Nova Zelandia) e anteriormente foi profesor nas universidades de Dartmouth e Michigan State nos Estados Unidos. Autor de numerosos libros e artigos académicos, algunhas das súas publicacións máis relevantes son La novela policiaca española: Teoría e historia crítica (1994), Crónica del desencanto: La narrativa de Manuel Vázquez Montalbán (Premio Letras de Oro, 1996), Memoria histórica e identidad cultural: De la postguerra a la postmodernidad (2005) e El ruido y la furia: Conversaciones con Manuel Vázquez Montalbán desde el planeta de los simios (2013). Como editor publicou os libros Spain Today: Essays in Literature, Culture, Society (1995), Las hermanas coloradas de Francisco García Pavón (1999), Manuel Vázquez Montalbán: El compromiso con la memoria (2007), e Éxodo: Diario de una refugiada española de Silvia Mistral (2009). O seu proxecto actual é Visións periféricas, posicións globais: Resituando a cultura galega no século XXI.