Garabitolas

Xoán Babarro (Calvelo de Maceda, 1947) é escritor e lingüista. Licenciado en Filosofía e Letras, traballou constantemente pola introdución do galego na escola e pola recuperación e defensa da lingua galega en Asturias, onde desenvolveu o seu labor docente ata 1971, cando se trasladou a Galicia. É membro da Real Academia Galega desde 2002. Como narrador infantil dáse a coñecer e 1974 con «Zoca zoqueira» (primeiro premio de contos O Facho). Con Ana M.ª Fernández consegue o premio O Facho de teatro en 1983 (coa obra «Grande invento para saír do aburrimento») e O Barco de Vapor en 1985 (por «Primeiro libro con Malola») e en 1989 («Barrigaverde e o dragón Achís»). Gaña o VII Premio de Literatura Infantil e Xuvenil Pura e Dora Vázquez con «Palabra era un universo paralelo» (2010) e a quinta edición do Premio Arume de Poesía con «A Princesa de Taramundi» (2010). As súas obras traducíronse ao catalán, chinés, coreano, grego e portugués. No catálogo de Xerais ten publicadoss os seguintes títulos: «Carpametacarpadeduna» (2001), «Macarrón de Narices» (2011) e «Garabitolas» (2023).

María Lires (A Coruña, 1973). Estudou na Escola de Artes Pablo Picasso e leva ilustrado numerosos títulos, entre outros: «Nassima, á sombra dos talibán» (2001), «A caixa do tesouro» (2001), «Enciclopedia galega» (2001), «A árbore» (2002), «A vaca» (2002), «A auga» (2002), «O lobo» (2002), «A folla seca» (2002), «Os irmáns Corazón de León» (Xerais 2003), «Cantos contos nun tris tras» (2003), «Dona e Don» (2004), «O vento de Antón» (Xerais 2004), «Contos de Circos, Cronopios e Avións» (2005), «Un mundo de continentes» (2006), «Cartas que veñen e van» (2006), «Soños de andel» (2009), «Bechos Pequerrechos» (texto e ilustracións, 2009), «Os tratantes de papagaios» (2009), «El hermano secreto de Caperucita R» (2010), «A tartaruga de Martiño» (2011), «Longa noite de pedra» (2011), «Animalario cotián... entre irmáns» (Xerais 2017), obra da que é autora do texto e das ilustracións, «Sara ten un segredo» (Xerais 2018), «Kusuma» (Xerais 2018), «Vento, ventiño, venteiro» (Xerais 2019) e «Garabitolas» (Xerais 2023).