Heartstopper 6

O volume 6 de «Heartstopper», a entrega final da serie de Alice Oseman, narra o peche da etapa escolar de Nick e Charlie. Enfrontados ao reto da universidade e a distancia, a parella demostra que o seu amor é sincero e forte ante os cambios e o futuro.
No instituto, todo o mundo sabe quen son o Nick e o Charlie. E todes saben que continuarán xuntos para sempre. Mais o Charlie está ocupado coa súa candidatura para representante do alumnado. E, mentres o Nick se prepara para marchar á universidade, comeza a preguntarse o que será del… sen o Charlie.
Este é o sexto e derradeiro volume da serie best-séller «Heartstopper» con millóns de exemplares vendidos, da autora premiada Alice Oseman.

Formato:

15,95 €

( impuestos incluidos )

SOBRE EL AUTOR/A

Alice Oseman

Alice Oseman naceu en 1994 en Kent, Inglaterra, e é escritora e ilustradora a tempo completo. Alén de escribir e ilustrar «Heartstopper«, Alice é autora de catro novelas xuvenís: «Solitaire», «Radio Silence», «I Was Born for This» e «Loveless», gañadora do YA Book Prize. Tamén participa como guionista e produtora executiva na adaptación televisiva de Heartstopper, galardoada nos premios Emmy. Para saber máis sobre o traballo de Alice, visita os seus perfís en liña: aliceoseman.com instagram.com/aliceoseman

Nee Barros

Nee Barros (2002) é divulgador cultural, escritore e activista LGBTIQA+. Como divulgador, traballa en diversas redes sociais baixo o nome de @neeumatiko. Alí recomenda libros en galego, especialmente aqueles con representación LGBTIQA+. Como activista LGBTIQA+, fai pedagoxía nas redes sociais, en centros de ensino e no seu día a día. Como escritore, publicou a obra de teatro «Identidade», sobre a realidade trans, e a novela «Nom estamos quebrades», que explora a sexualidade e o autismo. Así mesmo, coordinou a antoloxía de relatos LGBTIQA+ «Alguén nos lembrará» (Xerais, 2023), participou noutras publicacións colectivas e é tradutore para o galego dos volumes da serie de BD «Heartstopper», editados por Xerais. En 2026 publica, xunto a Eva Mejuto e Julia Lago, o álbum ilustrado de divulgación «Universo diverso. Unha viaxe pola galaxia LGBTIQA+» (Xerais, 2026).

❮ ❯