Historias do Quintopino

Nun recuncho do mapa está O Quintopino, unha vila un tanto estrafalaria onde é doado atoparse con personaxes únicos, como poetas a tempo completo, dragóns vexetarianos, princesas guerreiras, monstros co corazón avariado ou bruxas que buscan compañía.
Un libro de relatos sorprendente, cheo de enxeño e xogos de palabras, que celebra a imaxinación, a amizade verdadeira, o poder transformador da poesía e a gana de cambiar o mundo, poñéndoo unhas veces patas arriba e outras veces patas abaixo.

Precio:

6,99 €

( impuestos incluidos )

SOBRE EL AUTOR/A

Xerardo Quintiá

Xerardo Quintiá (Friol, 1970) é poeta e narrador. Como autor de literatura infantil publicou «A verdadeira historia do burro Feldespato (2003), «Ke-Tumba Ke-Tamba» (2006), «Titiritesa» (2007), obra traducida ao castelán, francés, portugués, inglés e éuscaro, «O país do gran furado» (2019), Premio Fina Casalderrey de Literatura Infantil pola Igualdade, «O corazón dos paxaros» (Xerais, 2023) e «Historias do QuintoPino» (Xerais, 2026). Na colección Narrativa de Xerais e en coautoría con Xesús Fraga, publicou «Tempo de correspondencia» (2026).

Blanca Millán

Nada nunha pequena aldea de Touro, pinta desde que ten memoria e ilustra contos desde que é nai. Tras estudar Belas Artes encamiñouse cara ao mundo editorial cun mestrado en Libro Ilustrado e Animación. En 2017 publicou os seus primeiros álbums e, desde entón, xa van máis de corenta títulos para o mercado nacional e internacional, e os seus libros foron traducidos a numerosas linguas. En Xerais é autora das ilustracións de «A miña avoa, a miña heroína» (2024), «Erin e o lobo» (2025), «Historias do QuintoPino» (2026) e «Xosé Neira Vilas. O viaxeiro de Gres» (2027).

❮ ❯