Mal de escola

Daniel Pennac, na liña narrativa de Coma unha novela (Xerais 1993), aborda en Mal de escola a cuestión da escola e da educación dende o punto de vista dos malos alumnos. O autor, un dos máis celebrados das letras francesas contemporáneas, un pésimo estudante adolescente, estuda esta figura do folclore popular outorgándolle a nobleza que se merece e restituíndolle a carga de angustia e dolor que a acompaña. Mal de escola mestura as testemuñas autobiográficas (como estudante e profesor que exerceu a docencia durante vinte e cinco anos nun instituto de París) con reflexións sobre a pedagoxía e as disfuncións da institución escolar, o papel dos pais e da familia co papel da televisión e dos medios de comunicación actuais, a sede de aprendizaxe coa dor de ser un mal estudante, o sentimento de exclusión do alumno e o amor á ensinanza do profesor. Mal de escola, Premio Renaudot 2007, obra traducida ao galego por Xavier Senín Fernández e Isabel Soto López, é un fenómeno editorial en Francia capaz de reabrir, tamén en Galicia, un gran debate arredor das razóns do fracaso escolar e do estado e do futuro da educación pública.

Formato:

24,50 €

( impuestos incluidos )

SOBRE EL AUTOR/A

Daniel Pennac

Daniel Pennac (Casablanca, 1944) é un dos ensaístas máis celebrados das letras francesas, moi especialmente dende a publicación de Coma unha novela (Xerais 1993), un alegato a prol do pracer da lectura, traducido a case que todas as linguas europeas e moi especialmente dirixido contra certas técnicas, hábitos ou prexuízos do aparato educativo e familiar, obsesionado pola necesidade de ler (en galego tamén). A súa infancia transcorreu en moi diversos países de África e do Sudeste Asiático, ademais de «nos territorios libres da literatura», segundo as súas propias palabras: «Estudos? Caóticos, mais non necesariamente catastróficos. Profesión? Profesor, especialista en «casos difíciles». Recibiu en 1985 o Premio Vila de Reims á mellor novela policiaca por Au bonheur des ogres, e en 1987 o Premio Mystère da crítica por La fée Carabine. É autor da famosa saga protagonizada polo señor Malaussène. En Xerais ten editado en galego Como unha novela (1993) e Mal de escola (2008).