Mamá, quero ser Ziggy Stardust

Aine contaba nove anos a primeira vez que viaxou cos seus pais de vacacións. Naqueles días, ademais de percorrer a cidade, visitaron unha exposición. Era sobre unha estrela de rock que mudaba de aspecto coma os camaleóns. Un arreguizo estraño percorreulle o corpo cando se fixou na roupa que vestía, pois non soubo se era de home ou de muller. Emocionouse ao ver que tiña o cabelo roxo, tan semellante ao seu. Escoitou aquela canción que falaba dun extraterrestre que só quería cantar e bailar e tivo unha revelación: Aine, de maior, sería igual que Ziggy Stardust, un músico marciano que podía ser todo o que lle dese a gana. Coa axuda de Thomas, o seu inseparable amigo imaxinario, íao lograr.

Formato:

13,50 €

( impuestos incluidos )

SOBRE EL AUTOR/A

Iria Misa

Iria Misa (Gondomar, 1983) é licenciada en Filoloxía Inglesa pola Universidade de Vigo e profesora de ensino secundario. Como autora de literatura infantil e xuvenil deuse a coñecer coa novela «Xa non estou aquí» (Xerais, 2016), que obtivo o Premio Jules Verne de Literatura Xuvenil. En 2018 publica, tamén en Xerais, as novelas «Segredos no Solpor» e «Mamá, quero ser Ziggy Stardust», Premio Fervenzas Literarias ao Mellor Libro Infantil dese ano. Con «A cidade do átomo» (Xerais, 2021) gaña o IV Premio Agustín Fernández Paz de Narrativa Infantil e Xuvenil pola Igualdade. Outros títulos da autora son «Unha veciña de película» (Xerais, 2023) e «A excursión a Cans. Unha veciña de película»(Xerais, 2025).

Alba Barreiro

Alba Barreiro Baliño naceu en Cangas do Morrazo en 1996. Comeza os seus estudos na Escola de Arte e Superior de Deseño Pablo Picasso da Coruña, onde estuda Ilustración e se gradúa no ano 2017 coa elaboración dun álbum ilustrado como proxecto final. En 2016 comeza a crear ilustracións que percorrerán o mundo.

❮ ❯