Mambrú volveu da guerra

Unha nena está desexando explorar o parque infantil que abriron ás aforas da vila. Mentres xoga, encontra por casualidade un boneco enterrado. É un soldado de porcelana que lle conta que viviu na vila hai moitos anos, pero non é quen de lembrar o seu nome nin como acabou nese lugar. Coa axuda da súa familia, a nena intentará recompoñer o crebacabezas para que o boneco poida atopar o seu lugar.

Formato:

13,50 €

( impuestos incluidos )

SOBRE EL AUTOR/A

Carlos Labraña

Carlos Labraña (Cedeira, 1969) é escritor e conta cunha ampla e galardoada traxectoria no eido da literatura dramática infantil. Entre outras, publicou as seguintes obras: «O segredo de Daniel» (1993), premio Xeracións Nós 1988; «A escada» (1996), premio Xeracións Nós 1994; «O teatro dos soños» (2005); «Os sons da buguina» (2006), premio Meiga Moira 2006; «Teatro de xoguete» (2011), premio Estornela 2010; «A fraga das árbores das palabras» (2013), premio Estornela 2012; «Espantallo» (2015), premio O Facho 2013; «Moito Morro Corporation, Sociedade Ilimitada» (2016), premio O Facho 2014; «O apalpador» (2016); «O valo» (Xerais 2017, 2023), premio Manuel María de Literatura Dramática Infantil 2016. En 2022 gaña o Premio SGAE de Teatro Infantil coa obra «Mambrú volveu da guerra» (Xerais, 2023) e en 2024 o XIII premio Manuel María de literatura infantil pola peza «O carteiro de Ximaraos» (Xerais, 2025).

Raquel Lagartos

Raquel Lagartos é ilustradora e autora de cómics. Licenciada en Ilustración pola Escola de Arte de Oviedo e licenciada en Matemáticas, traballou en proxectos coa Fábrica Cultural de Avilés, Alice Éditions e o Ministerio de Cultura. Ten presentado varias exposicións individuais e colectivas, e os seus traballos foron expostos en lugares como o Festival de Cine de Sitges, a Semana Negra de Xixón ou a Biblioteca Nacional. En 2018 formou parte do grupo de ilustradores seleccionados para a residencia artística en Angoulême, Francia, dentro do proxecto europeo de cooperación internacional Wom@rts. Xunto a Julio César Iglesias, Raquel publicou dúas novelas gráficas, «Mary Shelley: La muerte del monstruo» e «La hierba del estío», polas que foi finalista na categoría de Mellor Debuxante Nacional nos Premios da Crítica de Cómics 2018. En 2019 e 2020 foi finalista do Concurso Internacional de Álbums Ilustrados da Biblioteca Isla de Gran Canaria en colaboración coa Editorial A Buen Paso. Raquel prefire traballar con medios tradicionais, principalmente acuarelas, e os seus temas xiran arredor do estudo emocional dos personaxes e das atmosferas que os rodean.

❮ ❯