Marcas

Mitos, valores e iconas que noutrora posuían un xorne idealista, utópico ou revolucionario, forman parte, hoxe, dos mecanismos de penetración cultural dos mercados, que asolagan o planeta con ofertas máxicas capaces de resolver as carencias e soidades da xente na sociedade global. Tras as grandes marcas comerciais están os grupos financeiros que, cada vez con máis intensidade, están a colonizar os medios de comunicación de masas e ameazan con varrer do mapa as linguas minoritarias e as raíces da identidade de pobos da vella Europa como Galicia, Euskadi e Catalunya. Procuran un novo e manso cidadán considerado como un consumidor global e homoxéneo a escala planetaria.

Formato:

14,50 €

( impuestos incluidos )

SOBRE EL AUTOR/A

Xavier Navaza

Xavier Navaza (Lalín, 1948) iniciouse no xornalismo en Barcelona, no desaparecido Tele/eXprés, a mediados da década de 1970. Cofundador do semanario Teima (1976-1977), durante a Transición democrática realizou numerosas reportaxes para algunhas das revistas máis influentes daqueles anos no Estado español: Interviú, La Calle, Actual e Primera Plana, entre outras. Guionista e documentalista de televisión, durante década e media foi correspondente político do xornal El Correo Gallego. Entre os seus libros figuran Disparos (Xerais, 1991), Sumud. Conversa con Palestina (2003) e os dous primeiros tomos da triloxía en castelán El laberinto gallego: La guillotina del Centro (2005) e La conjura de Raxoi (2007). Tamén en castelán, El último amante de Marilyn (2012).