Mariña e o balón. O primeiro gol

Pere Tobaruela naceu en Barcelona en 1965 e vive dende hai anos en Rois. É por isto que alterna a escrita en catalán e en galego. Con máis de corenta títulos publicados en varias editoriais, transita por diversos xéneros literarios: libro ilustrado, banda deseñada, ensaio, biografía, conto, novela... Dentro da súa produción novelística atopamos obras infantís e xuvenís, e tamén para o público adulto. En Xerais, é autor dos seguintes títulos: «A cripta do apóstolo» (2010); «Poñente» (2011); «Mariña e o balón» (2020) e «Mariña e o balón. O primeiro gol» (2026). Ademais, xunto con Andrés Meixide, é coautor da serie Formig4s, que xa conta con oito títulos.

Irene Sanjuán estudou Produción Audiovisual na Escola de Imaxe e Son da Coruña; Ilustración, na Escola Pablo Picasso; Estilismo e Deseño de Moda, na Escola Goymar da Coruña; Serigrafía Téxtil, na Saint Martin's School de Londres, e Deseño Gráfico en IFES da Coruña. Traballou como deseñadora en importantes firmas de roupa e fixo ilustracións para diversas webs. Leva feito ilustración para libros e ilustración aplicada. En Xerais, é autora das ilustracións dos libros infantís «As cicatrices do caranguexo» (2021) e «Mariña e o balón. O primeiro gol» (2026).