Maxia de pedra

Alba De Evan (Vigo, 1987). Estudou Historia na Universidade de Vigo e é profesora de ensino secundario. Xunto con Xabier Domínguez fundou en 2020 a Editorial Antela. Estreouse no mundo do conto infantil ilustrado co relato «A Superavoa de Antón». En Xerais é coautora, con Xabier Domínguez, das novelas infantís «Maxia de pedra» (2021) e «Segredos soterrados» (2023) e mais da «Guía ilustrada do Entroido Galego» (Xerais, 2025). En solitario asinou «Varetai». Protectora de espíritos (Xerais, 2024). Para o público xuvenil publicou «Dormen baixo terra» (2025) e «Queridas pantasmas» (Xerais, 2025).

Xabier Domínguez Pérez (Vilar de Barrio, 1984). Estudou Maxisterio Musical en Santiago de Compostela e é mestre de primaria. Xunto con Alba De Evan funda en 2020 a Editorial Antela. Estreouse no mundo do conto infantil ilustrado co relato «A Superavoa de Antón». É coautor, con Alba De Evan, da serie de contos Naturizo, con temática medioambiental, das novelas infantís «Maxia de pedra» (Xerais 2021) e «Segredos soterrados» (2023) e mais da «Guía ilustrada do Entroido Galego» (Xerais, 2025). Foto de Andrea Freire

Eli García formouse na Escola de Arte e Deseño Antonio Faílde de Ourense e na Escola Profesional de Cómic e Ilustración O Garaxe Hermético de Pontevedra. Desde o ano 2018 dedícase profesionalmente á ilustración, compaxinando os seus traballos de ilustradora científica con proxectos de cómic e editoriais. A súa obra foi recoñecida en diversos certames de ilustración e BD. Participou nas obras colectivas «A vila dos debuxantes do norte» (2014) e «221BD» (2015), e mais no especial «Charlie Hebdo» do Diario de Pontevedra tras os atentados no semanario satírico francés en 2015. En Xerais é autora das ilustracións da novela infantil «Maxia de pedra» (2021), «Segredos soterrados» (2023) e «A nena do pixama estrelado» (2025).