O bosque animado

O bosque animado é o gran libro da Fraga de Cecebre, situada no concello de Cambre, preto da Coruña. Nestas páxinas vibrantes, Fernández Flórez narra as historias pequenas dos habitantes da fraga: Fendetestas, Xeraldo, Hermelinda, Pilara, Marica etc. Mais tamén dos aparecidos ou fantasmas que pasean polo bosque: a alma en pena de Fiz Cotobelo e por suposto de Hu-Hu e as súas moscas, do clan dos gatos ceibes, ou das árbores que cren que un poste de telégrafos é unha compañeira delas.

Nesta novela fantástica latexa, algueirante e punxente, o buligar vital, polo común da xente, da multitude de animais e plantas que constitúen o mundo insospeitado da Fraga de Cecebre, xunto coa tensa andaina humana duns seres conformados indubidablemente pola cultura galega. Esta tradución galega dunhas das novelas principais de Fernández Flórez, preparada por Xela Arias e agora completamente actualizada e revisada, constitúe unha invitación afervoada a descubrirmos o rico mundo de noso.

Formato:

14,50 €

( impuestos incluidos )

SOBRE EL AUTOR/A

Xela Arias

Xela Arias (Sarria, 1962-Vigo, 2003), poeta, tradutora e editora, desenvolveu o seu traballo profesional en Edicións Xerais entre 1980 e 1990. Tras licenciarse en Filoloxía, exerceu como profesora de ensino secundario ata o seu falecemento. Como poeta, publicou os libros «Denuncia do equilibrio» (1986); «Tigres coma cabalos» (1990), en colaboración co fotógrafo Xulio Gil; «Darío a diario» (1996); e «Intempériome» (2003). Posuidora dunha voz inclasificable, a súa obra poética está marcada pola innovación e unha intención transgresora da palabra. Como tradutora, verteu ao galego obras de Fenimore Cooper, Jorge Amado, James Joyce, Camilo Castelo Branco, Roald Dahl, Angela Carter, Baudelaire ou Alice Vieira, labor polo que recibiu recoñecementos como a Medalha do Prêmio de Tradução Sociedade de Língua Portuguesa, o Premio Ramón Cabanillas de Tradución ou o Premio Plácido Castro. En 2021 dedícaselle o Día das Letras Galegas.

Wenceslao Fernández Flórez

Wenceslao F. Flórez (A Coruña, 1885 - Madrid, 1964) escribió como periodista en los diarios El Heraldo de Galicia, Tierra Gallega, Diario Ferrolano y Noroeste. Se trasladó a Madrid en 1905 y comenzó a publicar en el diario ABC crónicas parlamentarias que le harían famoso. En 1934 fue elegido miembro de la Real Academia de la Lengua. Al estallar la Guerra Civil se refugió en la embajada de Holanda, donde pasó un año. Tuvo problemas al final de la guerra por haber mantenido amistad con algunas personalidades republicanas. Entre sus novelas principales destacan Los que no fuimos a la guerra (1930), El malvado Carabel (1931), El hombre que compró un automóvil (1932), Las novelas del espino en flor (1940) y El bosque animado (1943).

❮ ❯