O Brindo de ouro I

Selmo, o fillo do gardián da tribo dos arxinas, coñece a desfeita de Cido, a súa aldea, que foi incendidada polos seus inimigos, os valecos da tribo dos broncedos. Na súa fuxida, Selmo, acompañado de Lombán, o seu lobo albino, atopará a dous heroes, Toimil e Oulego, que o axudarán, xunto coa Valiña da Osa, unha xida, meiga protectora da aldea, a desvelar o misterio do Brindo de ouro, ese corno máxico que os protexe, porque lles proporciona a valentía que os fará invulnerables.
“O Brindo de Ouro. I. A Chamada do Brindo” de Xesús Manuel Marcos, premio Merlín de literatura infantil e xuvenil 2004, é unha novela de aventuras, épica e fantástica, que remite a un pasado mítico, onde o heroísmo e a maxia ocupan un lugar sobranceiro.Un texto que crea un mundo autónomo, ao xeito de Tolkien, e conforma unha novela escrita coas pautas das obras de espada e bruxería sobre o trasfondo da paisaxe e da toponimia das terras do Caurel.

Formato:

14,50 €

( impuestos incluidos )

SOBRE EL AUTOR/A

Xesús Manuel Marcos

Xesús Manuel Marcos (Seoane do Caurel, 1967), cursou estudos de Dereito na Universidade de Santiago de Compostela. Actualmente traballa como funcionario da Administración de Xustiza en Madrid. Deuse a coñecer como narrador en 1994 co relato "Aliados solitarios", Premio Modesto Rodríguez Figueiredo do Pedrón de Ouro (1994), ao que seguiron o Premio Manuel Murguía do Concello de Arteixo (1994) polos seus relatos "A cela de arame" e "Fuxidos" (publicados no volume Relatos, 1995) e o Premio de Novela Curta do Concello de Marín (1996). Dende entón, publicou os libros de relatos Terra queimada (1997), que mereceu o Premio de Narración Curta Ricardo Carvalho Calero convocado polo Concello de Ferrol no ano 1995 e Fonte de Esperante (2005); ademais das novelas En terra perigosa (1996); O brindo de ouro. I. A chamada do brindo (2004), Premio Merlín 2004; A lúa dos Everglades (2007), Premio Terra de Melide 2007; O brindo de ouro. II. A Táboa da Hospitalidade (2009); O esconxurador (2010) e O bebedor de rakia (2011). As súas colaboracións xornalísticas están publicadas en La Voz de Galicia, O Correo Galego, e El Progreso. Mantén o blog Abellonenia (http://oulego.blogspot.com)