O caderno de Roque

A familia Charabiscas da aldea de Pedrafermosa agarda con impaciencia a chegada do tío Roque, que marchou a percorrer o mundo e que lles prometeu volver para celebrar unha festa polo seu trinta aniversario. Cando chega o día sinalado, a familia recibe na caixa do correo o caderno de viaxe do tío e, ao longo da xornada, non para de soar o timbre da casa. Será Roque? Non! Unha sucesión de personaxes fantásticos (un xigante, unha serea, un vampiro…), cada cal máis peculiar, vai aparecendo por sorpresa, convidados á festa de aniversario. E o tío Roque onde está? Unha orixinal novela de viaxes, aventuras e fantasía, rica en detalles e desbordante de imaxinación e humor.

Formato:

6,99 €

( impuestos incluidos )

SOBRE EL AUTOR/A

Carlos Taboada

Carlos Taboada (Pontevedra, 1979-2025). Ilustrador, publicista, escritor e sobre todo lector. En 2008 fundou xunto a Enrique Mauricio o colectivo de actividades creativas Polo Correo do Vento a partir da colección de libros do mesmo nome. Esta colección consta de sete volumes dirixidos ao público infantil e foi publicada por Edicións Xerais de Galicia ese mesmo ano. Dende entón, a través de Polo Correo do Vento, levou a cabo numerosos traballos de ilustración, publicidade, creación audiovisual e diversas publicacións infantís. Dedicouse á realización de actividades de animación á lectura, obradoiros de ilustración e á creación de historias. «A biblioteca de Pedrarcana» (Xerais, 2018) foi finalista do Premio Merlín de Literatura Infantil 2017. Con «O caderno de Roque» (Xerais, 2024) volve quedar finalista deste premio.