Ó outro lado do sumidoiro

Martiño Pedreira é un home xa vello, que vive só nunha grande cidade. Posúe unhas “gafas de realidade”, que lle permiten ver todas aquelas causas fermosas que o resto das persoas, abafadas polas présas e polo egoísmo, non son quen de ver. Ten un can amigo, Can sen Dono, que vive nun sumidoiro da cidade.
Un día, Martiño Pedreira decide que non necesita as gafas, os seus ollos xa se afixeron a ve-la realidade sen elas. Entón pensa en darllas a alguén que as necesite, e pon un anuncio no xornal, con resultado negativo. Daquela, el e máis Can sen Dono deciden sair na procura de alguén que necesite tan estrañas gafas.
Pero cando están nesas, reciben a visita dun mago, Ernestiño, que lle entrega a Martiño unha estraña carta. A carta envíalla EI-Rei de Phedra e nela dille que pode axudalo a atopar un novo dono para as gafas, polo que lle prega que emprenda unha viaxe ata o seu reino.
Nese mesmo momento ábrese no sumidoiro unha Porta de Ouro e, ó atravesala, Martiño e o Can sen Dono entran no reino de Breamdam. Esa porta -que marca, tamén na narración o paso ó mundo fantástico- lévaos a un reino moi distinto do mundo por eles habitado; alí atopan os máis estraños personaxes e comezan a verse implicados nos problemas dese novo país.

Formato:

9,50 €

( impuestos incluidos )

SOBRE EL AUTOR/A

Xosé A. Neira Cruz

XOSÉ A. NEIRA CRUZ é xornalista, escritor e profesor na USC. Licenciado en Xornalismo e Filoloxía Italiana, é doutor en Comunicación e en Filoloxía Italiana, e máster en Dereito Premial. Autor de máis de 30 obras, recibiu, entre outros, o Premio Merlín (1988 e 2000); o Barco de Vapor (1997 e 1999); o Raíña Lupa (2002); o Lazarillo (2004); o Fiz Vergara Vilariño de poesía (2007); o White Ravens da Internationale Jugendbibliothek de Múnic (2005 e 2009); o IBBY Honour List (2006); o Los Mejores del Banco del Libro de Venezuela (2006); o Premio ao mellor libro estranxeiro no Brasil en 2008, da FNLIJ; os premios Barriga Verde e Manuel María de teatro (2008, 2009 e 2010), o Premio Repsol de Narrativa (2017) e o Carlos Mosteiro de literatura infantil (2019). Autor convidado nas feiras do libro de Buenos Aires (2006), La Habana (2008) e Guadalajara (2009), no Salão do Livro de Rio de Janeiro (2007), no Berlin Litteratur Festival (2009) e no festival Favole in crescita, Montecassino (2016). Con Veleno de tinta impresa (Xerais, 2020) gañou o Premio Ánxel Fole de Narración Curta.

Pepe Carreiro

Publicou debuxos de humor nos seguintes medios: A Voz do Pobo, voceiro do PCG; a tira O fillo de Breogán e co mesmo personaxe fixo O tebeo do pobo; Mundo Obrero e La Codorniz; publicou varias viñetas no semanario Teima e, ao desaparecer este, no diario El Pueblo Gallego a tira "O Galo Camilo" e en Hoja del Lunes de Vigo, unha viñeta política; en Faro de Vigo, no suplemento semanal "A Pizarra", a tira "Maxistérico"; en Faro del Lunes, a tira "Canal Privado"; fundou a revista humorística Can sen dono, da que foi o seu primeiro director; en A Peneira, periódico comarcal, a tira "Robinsón"; na TVG, no programa A trabe de ouro, a tira "O anano do tesouro"; no semanario A Nosa Terra, viñetas políticas; en Diario de Galicia, unha viñeta diaria de humor político; foi fundador do semanario satírico XO! a voz que para as bestas; na revista A trabe de ouro, unha viñeta política. Tamén publicou unha viñeta política no diario El Mundo. Creador da serie infantil Os Bolechas (uns 50 títulos publicados en distintas coleccións de A Nosa Terra). Debuxante e guionista da serie de banda deseñada Os Barbanzóns (2 títulos publicados: Baroña ou morte, No solpor da Prehistoria) de Toxosoutos. En marzo do 2005 publica na editorial Fervenza o libro de viñetas de humor Peor que antes, mellor que mañán. No libro de banda deseñada colectivo H2 oil publicou unha páxina sobre o asunto Prestige.

❮ ❯