O pequeno mago + DVD

Uns perigosos piratas normandos atracan na pequena cidade galega de Tui, dispostos a saqueala. Bieito Dubidoso, un neno de tan só nove anos, pero armado dunha maxia sorprendente, logra que os malvados guerreiros fuxan espavorecidos. A noticia do prodixio esténdese por toda a comarca e, a partir de entón, Dubidoso será coñecido por todos como O Pequeno Mago.
Xunto coa súa inseparable amiga Destreza embarcarase en innumerables e máxicas aventuras e enfrontarase ao poderoso bispo Xoán, señor e dono da cidade, que non lle perdoará que o deixase como un covarde diante dos seus vasalos. Conseguirá O Pequeno Mago saír vitorioso na súa rivalidade con tan poderoso inimigo?
CONTEN DVD COA PELÍCULA “O PEQUENO MAGO” dirixida por Roque Cameselle.

Formato:

19,50 €

( impuestos incluidos )

SOBRE EL AUTOR/A

Roque Cameselle

Roque Cameselle (Vigo, 1981) é escritor e director de cine. Licenciado en Comunicación Audiovisual, imparte clases de guión cinematográfico e é crítico de cine de Faro de Vigo. Dirixiu as curtametraxes Memoria indesexable (1998), A moza do último (1998), Soldados sen fortuna (2000) e Amor a Mantis (2003). En 2011 estreou a película de animación The Little Wizard. O mago Dubidoso, que significou o seu debut como director de longametraxes. O filme está baseado na novela Bieito Dubidoso (Xerais 2003, 2015) e foi distribuído por Xerais, acompañando o álbum ilustrado O pequeno mago (Xerais, 2014). Como autor de narrativa breve, publicou o libro de relatos O Pausiñas (2001) e como guionista escribiu Na luz freada da tarde (2001), A Gilda chamábanlle Leonor (2002) e Meu xeneral, o asasino foi o mar (2003), traballos premiados na convocatoria da Xunta de Galicia para a escritura de guións. Dende 1997 obtivo numerosos premios literarios no eido da poesía, do relato e da novela curta.

Xevi Benitez

❮ ❯