O traxe

Un home sae do hospital despois de varias operacións e padecementos. Está moi enfermo. Regresa á súa casa para pasar o tempo que lle queda entre os seus. A súa familia quere mantelo encamado e baixo control, pero el escapa. Ten un proxecto que non se pode adiar: mercar un traxe novo.
“O traxe”, a peza gañadora do Premio Álvaro Cunqueiro para textos teatrais 2022, é un monólogo dramático que, facendo uso do humor negro, nos presenta un personaxe inquietante e complexo que, levado ao límite polas circunstancias, decide mostrarse ao mundo tal como é, pois xa nada ten que perder.
Unha comedia cruel sobre a intolerancia, a violencia reprimida, a incomunicación e a morte.

Formato:

16,50 €

( impuestos incluidos )

SOBRE EL AUTOR/A

José Fernando Castro Paredes

Fernando Castro Paredes (Tapia de Casariego, 1975) é profesor de ensino secundario, un dos coordinadores de Tuéjele Teatro e membro de Farándula Velutina. Cultiva todos os xéneros literarios, con especial dedicación ao teatro. Como dramaturgo, formouse nos talleres do Centro Latinoamericano de Creación e Investigación Teatral. Obtivo premios como o Varela Buxán, o Roberto Vidal Bolaño, o Rafael Dieste ou o Nova Dramaturxia Galega Actual, entre outros. As montaxes que Farándula Velutina fixo de varios dos seus textos foron premiadas en certames como os Premios Buero de Teatro Joven ou os do programa Xuventude Crea da Xunta de Galicia. Entre as súas obras destacan: "A derradeira bala", "Papiroflexia", "Pallaso", "Amorodo agre", "Animais de compañía", "Sincronizadas" e "Ofelia ou o cabeiro da cóbrega".