Patio de luces

Érica Esmorís (A Coruña, 1977) naceu unha calorosa tarde de xullo preto da praia. O sol, o mar e os libros foron, desde o principio, os seus compañeiros de viaxe. Amante dos animais, estudou veterinaria e, aínda que exerceu uns anos, deseguida cambiou o bisturí polo teclado do ordenador e unha profesión máis creativa. Traballou nalgunhas das produtoras audiovisuais máis importantes de Galicia, tanto no departamento de desenvolvemento e guión como no de dirección. Como narradora, foi recoñecida con importantes premios, como o Premio Merlín de Literatura Infantil con «Nena e o mar» (Xerais, 2015), que volve gañar en 2025 con «Erin e o lobo»; o Premio de Narrativa Infantil Ciudad de Málaga con «Patio de luces» (Xerais, 2020), ou o Premio Raíña Lupa de Literatura Infantil con «Esta é a miña historia e terás que crela» (Xerais, 2025). Outros títulos da súa autoría son «O poder de Amabel» (2012), traducida ao castelán, catalán e éuscaro, «Ulises e as cronoamigas» (2015), «Quen salva un can» (Xerais, 2019) ou o álbum ilustrado «Analfabeta» (Xerais, 2024), que asina xunto con Dani Padrón.

Juan Berrio (Valladolid, 1964) leva máis de vinte e cinco anos dedicado á ilustración, ao cómic e outros aspectos da produción gráfica, mostrando as súas imaxes (viñetas, debuxos ou fotografías) en medios moi distintos. Traballou para prensa e tamén para publicidade. Conta cun amplo catálogo como autor de álbums, cómics, novelas gráficas ou libros infantís. En 2012 gañou a V Edición do Premio Internacional de Novela Gráfica Fnac-Sins Entido, con «Miércores. Una novela gráfica».