Paxaros de papel

Premio The White Ravens (Internationale Jugend Bibliothek), 2002
Unha noite perseguindo o solpor máis alá de Fisterra, Rodrigo logrou dar caza ao sol antes de que afogase no mar e viu (ou tal vez soñou) os paxaros de mil e unha cores. E voando, alto, moi alto, nun avión biplano tan lixeiro como as nubes, construído con cartóns reciclados e ás de morcego prestadas chegou a Caibarién, unha illa que non figura en ningún mapa (agás nos mapas secretos usados para facer avións de papel).

Formato:

6,99 €

( impuestos incluidos )

SOBRE EL AUTOR/A

Marilar Aleixandre

Marilar Aleixandre (Madrid, 1947). Vive en Galicia dende 1973. Doutora en Bioloxía. Catedrática de Ciencias Naturais de Ensino Medio. Catedrática de Didáctica das Ciencias na Universidade de Santiago de Compostela. É membro da Real Academia Galega. Colaboradora das revistas "Nó", "Luzes de Galiza" e "Festa da palabra silenciada". No eido da poesía, recibiu o Premio Esquío por "Catálogo de velenos" (1999), o premio Caixanova por "Mudanzas" (2008), tendo publicado, ademais, o volume "Desmentindo a primavera" (Xerais 2003) e "Ovella descarreirada" (Xerais 2014). Colaborou como guionista con Fran Bueno na banda deseñada "Os Escachapedras", e publicou a biografía "Castelao segundo Rañolas" (2000). Como narradora ten publicado: "A formiga coxa" (Xerais 1989), novela xuvenil; "O rescate do peneireiro" (Xerais 1990), novela xuvenil; "Tránsito dos gramáticos" (Xerais 1993); "Nogard" (1994); "A expedición do Pacífico" (Xerais 1994), Premio Merlín e Premio da Crítica á creación literaria en galego en 1995; "Lobos nas illas" (Xerais 1996), relatos; "O trasno de Alqueidón" (Xerais 1996), contos infantís, Premio Rañolas 1996 ao mellor libro infantil do ano; "A Compañía Clandestina de Contrapublicidade" (1998), Premio Álvaro Cunqueiro; "A banda sen futuro" (Xerais 1999), Premio Lazarillo e Premio Lecturas Galix 2001; "Lapadoiras, Sacaúntos e Cocón" (1999), conto infantil; "Unha presa de terra" (2001), Premio La Voz de Galicia de novelas por entregas; "Teoría do caos" (Xerais 2001), Premio Xerais; "Paxaros de papel" (Xerais 2001), álbum; "O chápiro verde" (2001, Xerais 2003), conto infantil; "Basilisa, a princesa sapiño" (2002), conto infantil; "Rúa Carbón" (Xerais 2005), novela finalista do Premio Nacional de Literatura Infantil e Xuvenil 2006 e "A Cabeza de Medusa" (Xerais 2008), novela gañadora do Premio Fundación Caixagalicia de Literatura Xuvenil 2008 e Premio The Withe Ravens, 2009; "Dez abellas na laranxeira" (Xerais 2008), conto infantil; ''O coitelo en novembro'' (Xerais 2010); "Catro cascarolos" (Xerais 2016), conto infantil; e "Nogard" (1994, Xerais 2022), novela xuvenil. Boa parte da súa obra foi traducida a todas as linguas peninsulares.

Lázaro Enríquez

Lázaro Enríquez (A Habana, 1950 - Vigo, 2005) ilustrador, calígrafo e deseñador gráfico. Recibiu frecuentes galardóns polo seu traballo. As ilusrtracións de Paxaros de papel foron seleccionadas para ser expostas na Fiera del Libro per Ragazzi, Bologna, 1998 e premiadas, tamén, pola UNESCO en Toquio. En Galicia ten ilustrado numerosos librostanto para público infantil como adulto. Os seus últimos traballos en Xerais foron as ilustracións incluídas en Dicionario dos seres míticos galegos (1999) e Contos colorados (2001).

❮ ❯