Que sabes da Guerra Civil e o franquismo?

Que sabes da guerra civil? E do franquismo? Son acontecementos da nosa historia recente que aínda provocan fortes polémicas pero, ao mesmo tempo, son etapas bastante descoñecidas para as novas xeracións. Coñecer o pasado axúdanos a entender o presente. Este libro trata de explicar o que sucedeu de xeito ameno e obxectivo, contándonos tamén como era a sociedade e a vida diaria daquela época, daquel “tempo de silencio”.

Formato:

6,99 €

( impuestos incluidos )

SOBRE EL AUTOR/A

Manuel Veiga Taboada

Manuel Veiga Taboada (Monforte de Lemos, 1960) é doutor en Ciencias Políticas e Socioloxía e licenciado en Ciencias da Información. En 1983 entrou a formar parte da redacción do semanario «A Nosa Terra», periódico que dirixiu entre 2007 e 2010. No ano 2004 gañou o premio Xerais coa novela «O exiliado e a primavera» e, en 2006, o Manuel García Barros con «Lois e Helena buscándose un día de tormenta». Outras obras súas son «O profesor de vegliota», novela (Xerais, 2008), «Do G ao Z. Dicionario indignado e humorístico» (Xerais, 2012) , «O pacto galego na construción de España», «Manuel María, buscando un país» (Xerais, 2016), «Todo ser humano é un río» (Xerais, 2016), «A parte queimada. Stalin & Robespierre», «As mellores tendas de Madrid» (Xerais, 2021) e «Perder as bestas» (Xerais, 2023). Colabora en «Nós Diario» e no blog «Biosbardia». (Foto do autor: Antonio Gutiérrez)

Carlos Gallego Domínguez

Carlos Gallego (Santiago de Compostela, 1994) comeza a súa andaina co lapis e o papel entre Muxía e A Coruña. Gradúase en Deseño pola Universidade Complutense de Madrid e especialízase en ilustración na Escola de Arte de Manchester. Ademais da súa obra persoal, na que experimenta coa combinación de técnicas tradicionais e procesos dixitais, as súas ilustracións poden verse en libros de texto escolares e en diversas campañas de comunicación e publicidade. En Xerais ilustrou os libros «Que sabes da guerra civil e o franquismo?» (2021) e «A memoria dos pingüíns» (2023).

❮ ❯