Quen precisa unha avoa?

Este curso non pinta ben para Marta. O mestre quere traballar nun proxecto para o que van ter que falar coas súas avoas… Pero ela non ten avoas! E iso que, se mira ao redor, ve unha chea. Se hai tantas, por que ela non pode ter unha? Non lle queda outra: terá que secuestrar unha avoa, e nada mellor que involucrar as súas amigas para levalo a cabo.
A conciliación familiar, as necesidades das persoas maiores, os afectos e a sororidade entre as personaxes son algúns dos temas desta novela fresca e divertida que, a través do humor, transmite de xeito maxistral a complicidade entre as diferentes xeracións e unha ollada novidosa sobre a vellez.

Lectura recomendada

Formato:

14,50 €

( impuestos incluidos )

SOBRE EL AUTOR/A

María Montes

María Montes é unha ilustradora galega. Bióloga, con mestrado en Biotecnoloxía, compaxina a ilustración e o deseño de forma profesional co seu traballo nunha clínica veterinaria en Pontevedra. En Xerais é autora das ilustracións de «Unha nova dimensión», Premio Merlín de Literatura, e da novela «Quen precisa unha avoa?» (Xerais, 2024), Premio Agustín Fernández Paz de Literatura Infantil pola Igualdade 2023.

Andrea Barreira Freije

Andrea Barreira Freije (A Fonsagrada, 1986) é graduada en Xornalismo, con mestrado en Comunicación Científica, Tecnolóxica e Mediomabiental e mais en Estudos Internacionais. Forma parte de 7H cooperativa cultural e da plataforma de crítica literaria feminista A Sega, que visibiliza o traballo das escritoras. Ademais colabora en Nós Diario, na sección de cultura. Entre as súas obras destacan os títulos «Non hai luz na escuridade» (2015); «Palabra de bruxa» (2018); «Desmontando o corpo, construíndo a ciencia. As xemelgas Fernández de la Vega» (2021) e «Quen precisa unha avoa?» (Xerais, 2024), Premio Agustín Fernández Paz de Narrativa Infantil e Xuvenil pola Igualdade 2023.

❮ ❯