Quen salva un can

Naceu unha calorosa tarde de xullo preto da praia. O sol, o mar e os libros foron, desde o principio, os seus compañeiros de viaxe. Amante dos animais, estudou veterinaria e, aínda que exerceu uns anos, deseguida cambiou o bisturí polo teclado do ordenador e unha profesión máis creativa. Traballou nalgunhas das produtoras audiovisuais máis importantes de Galicia, tanto no departamento de desenvolvemento e guión como no de dirección. Como narradora, foi recoñecida con importantes premios, como o Premio Merlín de Literatura Infantil con «Nena e o mar» (Xerais, 2015), o Premio de Narrativa Infantil Ciudad de Málaga con «Patio de luces» (Xerais, 2020) ou o Premio Raíña Lupa de Literatura Infantil con «Esta é a miña historia e terás que crela» (Xerais, 2025). Outros títulos da súa autoría son «O poder de Amabel» (2012), traducida ao castelán, catalán e éuscaro, «Ulises e as cronoamigas» (2015), «Quen salva un can» (Xerais, 2019) ou o álbum ilustrado «Analfabeta» (Xerais, 2024), que asina xunto a Dani Padrón.

Estudou Belas Artes en Pontevedra, Altea e Angoulême, e especializouse no eido do debuxo e das artes gráficas. Realizou un posgrao de ilustración na Escola de Disseny BAU (Barcelona) e o mestrado de artes gráficas da Fundación CIEC (Betanzos). Dende hai uns anos a súa actividade profesional xira arredor da ilustración e do muralismo. As súas ilustracións foron seleccionadas no certame Iberoamérica Ilustra 2016 e na bienal Ilustrarte 2018. Participou en mostras colectivas, como a Mostra internacional de ilustración Contemporánea 2019 (MiiC). Dentro do seu traballo persoal cómpre destacar os proxectos expositivos de caixas de luz («Komorebi», 2016, e «Irusu Ville», 2018). Para Xerais, ilustrou os libros «Quen salva un can» (2019) e «Trece avisos» (2022). Actualmente ten o seu estudio na Coruña. www.iriafafian.com