Recendos de aire sonoro

En Recendos de aire sonoro as notas musicais e as palabras danse a man e camiñan xuntas polos vieiros que trazan os versos. Nos seus poemas ecoa o violín, treme a arpa, percute o timbal, láiase a gaita, Beethoven saúda a Bob Dylan mentres berran as guitarras de rock e a orquestra se despista. Un libro para ler cos cinco sentidos.
As dúas paixóns de Antonio García Teijeiro, a música e a poesía, establecen un diálogo fascinante neste poemario fermosamente ilustrado por Fino Lorenzo, que vai espertar nos lectores e lectoras sensacións vivas e profundas, cargadas de emoción.

Formato:

11,95 €

( impuestos incluidos )

SOBRE EL AUTOR/A

Antonio García Teijeiro

Antonio García Teijeiro (Vigo 1952) é un dos grandes poetas e narradores da literatura infantil e xuvenil galega. Ten publicada unha extensa obra poética dirixida ao público máis novo, con máis de cincuenta títulos, iniciada en 1988 cos libros «Coplas», «Nenos» e «Aloumiños». En Xerais publicou os seguintes títulos de poesía: «Retorno ós lamentos» (1988); «Ventos» (1992; «Lueiro de papel» (1995; «Na fogueira dos versos» (1996), Premio Merlín 1996, Lista de Honra do IBBY 1997 e Premio Pier Paolo Vergerio 1998; «O que ven os ollos dos nenos» (2001), prosa poética; «Os nosos versos» (1997, Xerais 2003), antoloxía poética; «Chove nos versos» (2004); «Recendos de aire sonoro» (2011); «Un rato díxolle á lúa» (2013), antoloxía da súa obra preparada por Fran Alonso; «Lendo lendas, digo versos» (2015), en colaboración con Antonio Reigosa, Premio Gala do Libro Galego á mellor iniciativa bibliográfica 2016; «Poemar o mar» (2016), Premio Nacional de Literatura Infantil e Xuvenil 2017, «Paseniño, paseniño» (2018), «Vento, ventiño, venteiro» (2019), e «No xardín do poeta» (2021). No eido da narrativa para mozos e mozas publicou en Xerais: «En voz baixa» (1998); «Os peixes de cores» (2002); «Honorato, o rato namorado» (2007) e «Verbas de sal» (2011). Tamén preparou a «Antoloxía de Celso Emilio Ferreiro» (1989) publicada na Biblioteca das Letras Galegas.

Fino Lorenzo

Fino Lorenzo (Baiona, 1962) é artista plástico. Leva expoñendo a súa obra, pintura, gravado, escultura e instalación, de forma regular, desde o ano 1987. Como ilustrador, ten mais de trinta títulos publicados. En Xerais destacan, Ondas de verde e azul, Iría e a lúa, Contos marabillosos III, Mermelada de amorodo (I Premio Certámen Internacional de Álbum ilustrado Ciudad de Alicante, 2001), Pequena mitoloxía de Galicia, Lorenzo Varela. Biografía e antoloxía, A vida secreta de Maria Mariño, Adiviñanceiro popular galego, Palabras brancas e Recendos de aire sonoro, As redes de Inés e Catro cartas. Desde 2008 leva a programación das exposicións de arte contemporánea do Instituto de Estudos Miñoranos (IEM).

❮ ❯