Vouvos papar

Pere Tobaruela naceu en Barcelona en 1965 e vive dende hai anos en Rois. É por isto que alterna a escrita en catalán e en galego. Con máis de corenta títulos publicados en varias editoriais, transita por diversos xéneros literarios: libro ilustrado, banda deseñada, ensaio, biografía, conto, novela... Dentro da súa produción novelística atopamos obras infantís e xuvenís, e tamén para o público adulto. En Xerais, é autor dos seguintes títulos: «A cripta do apóstolo» (2010); «Poñente» (2011); «Mariña e o balón» (2020) e «Mariña e o balón. O primeiro gol» (2026). Ademais, xunto con Andrés Meixide, é coautor da serie Formig4s, que xa conta con oito títulos.

Luz Méndez naceu en Ventosa, en Agolada, e como é filóloga gústanlle moito as palabras, sobre todo os nomes de lugar. Por iso escribiu un libro titulado ¿Por qué se chama así este sitio? Tamén adapta e escribe teatro para marionetas. En colaboración con Pere Tobaruela publicou Vouvos papar (Xerais 2008).

Daniel Xove (Santiago, 1988) estuda Deseño Gráfico na Escola de Arte Antonio Failde. Mentres tanto, vai traballando con Pere Tobaruela, con quen está a colaborar na ilustración do cómic, O Encanto da Pedra Chá. Vouvos papar (Xerais 2008) é o seu primeiro traballo publicado totalmente profesional.