Cabalos de vento. Curros de pedra

O fotógrafo Xavier Teniente e o pintor Xosé Guillermo, recentemente desapareci-do, desenvolveron en Cabalos de vento. Curros de pedra un inédito proxecto de creación visual: o de recoller en fotografía e debuxos a xornada dun curro. O resultado é este formidable e impactante volume de coidadísima edición, onde as fotografías en branco e negro de Teniente dialogan cos debuxos, iconos e textos poéticos de Xosé Guillermo reflectindo toda a fermosura do negro acibeche destes cabalos de vento. Dende a xuntanza das greas na mañanciña da fin de maio, baixo as néboas escuras e grises, até as tarefas de besteiros e aloitadores cando se espreguiza a tarde, este libro constitúe unha das testemuñas máis fermosas que se teñan feito nunca sobre o mundo do cabalo en Galicia e a cultura da rapa das bestas.

Formato:

23,95 €

( impuestos incluidos )

SOBRE EL AUTOR/A

Xavier Teniente

Xavier Teniente (Vigo,1968) comezou o seu traballo como fotógrafo profesional no xornal "Atlántico Diario" e posteriormente en "Faro de Vigo". Na actualidade traballa como fotógrafo independente. Realizou reportaxes en Mauritania, Tanzania, Mozambique, Honduras, Ecuador, Kosovo, Timor, India, Iraq. As súas fotografías foron publicadas nalgunhas das revistas e periódicos máis importantes de España ("Planeta Humano", "Interviu", "Magazine", "La Vanguardia", "El Mundo", "El Semanal", "Geo"...). Realizou as exposicións, individuais, "Emergencias Humanitarias" (2000/1), "Mans salgadas" (2003) e participou nas mostras colectivas "Imágenes por la dignidad" (2000), selección de corenta fotógrafos de prestixio internacional como Sebastiao Salgado ou Christine Spengler; "Fotobienal de Vigo" (2000); "Photoespaña" (2000); Exposición na Robert Miller Gallery de Nova York (2002) en beneficio das comunidades marxinais, coa participación de fotógrafos e artistas de todo o mundo. Publicou os seguintes libros fotográficos: "La Ruta Iluminada" (2000); "Emergencias Humanitarias" (2001), en colaboración con Médicos del Mundo; "Mans Salgadas" (Xerais 2002), "Iraq. Días de posguerra" (Xerais 2003) e "Cabalos de vento. Curros de pedra" (Xerais 2009), en colaboración co pintor Xosé Guillermo.

Xosé Guillermo

Xosé Guillermo (Carballo 1947, Vigo 2009) foi pintor e ilustrador. Colaborou con Edicións Xerais de Galicia durante a primeira etapa da editorial, deseñou o primeiro logotipo de Xerais e se ocupou do deseño das cubertas de boa parte dos títulos até 1984. Dende o ano 1993 foi o promotor da Fundación Nautilus, desde a que realizou diversas intervencións artísticas de grandes dimensións, como "Hipocampus 97" na Facultade de Ciencias do Mar de Vigo e "Marte e Arte 06" no CEIP Ría de Vigo. Xunto ao fotógrafo Xavier Teniente é coáutor do libro "Cabalos de vento. Curros de pedra" (Xerais 2009).

❮ ❯