Ringo. Memorias dun coello fedello

Ringo é un coello que forma parte dun impresionante número de maxia do mago Leo. A causa dun erro na execución do truco, un día aparece nun lugar descoñecido, lonxe do circo. En compañía de Brétema, que o atopa perdido, e dos amigos Gada e Aldán, vivirá aventuras e enfrontarase a perigos mentres tenta regresar ao Circo Fantabuloso: unha comunidade de artistas onde cadaquén expresa a súa singularidade. Imaxinación, enxeño e humor intelixente mestúranse nesta aventura que aborda temas esenciais como o valor da amizade, a diversidade, a empatía e o amor.

Formato:

3,49 €

( impuestos incluidos )

SOBRE EL AUTOR/A

David Pintor

David Pintor (A Coruña, 1975) é un dos ilustradores galegos máis recoñecidos. Recibiu numerosos premios, entre os que figuran o Andersen e o Nami Island; o premio da Society of News Design; o Pura e Dora Vázquez de ilustración; o Premio Internacional Clermont-Ferrand; o Premio Ilustrador do Ano Città del Sol ou o II Premio da Feira do Libro de Sharjah (Dubai). Foi finalista dos CJ Picture Book Awards e figura na listaxe The White Ravens en diversos anos. Foi seleccionado en varias edicións da Bienal de Bratislava e da Feira Internacional de Boloña. En Xerais, é autor das ilustracións de «Minimaladas» (2007), «Novas minimaladas» (2008), «Desde unha estrela distante» (2013), «Cámbiache o conto» (2016) e «Ringo. Memorias dun coello fedello» (2023), e é autor integral do álbum «(Non) A todas as nenas lles gusta o rosa» (2022).

Pablo Nogueira

Pablo Nogueira (O Carballiño, 1987) medra entre as páxinas dos contos, os debuxos animados do Xabarín Club e o rock and roll que resoa nos cuartos dos seus irmáns maiores. Estuda Maxisterio, Psicopedagoxía e un máster de Investigación en Educación, Diversidade Cultural e Desenvolvemento Comunitario. O seu primeiro conto publicado foi «Nube Branca quere ser astronauta» (2018), ao que seguiron «A banda de Raimunda» (2019), «Nube Branca e o pingüín Valentín» (2020) e «Nube Branca no camiño» (2021). Publicou ademais dúas novelas curtas para o público adulto: «Banda Sonora Orixinal» (2019), gañadora do IV Certame Balbino de Relatos, e «Música para os días de inverno» (2020). En 2021 gaña o XVIII Premio Pura e Dora Vázquez de narrativa infantil e xuvenil con «O club de coleccionistas de selos» e, en 2022, o VI Premio Agustín Fernández Paz coa novela «Ringo. Memorias dun coello fedello» (Xerais, 2023). Na súa faceta musical, é baixista na banda de rock Susie Q´s e no proxecto instrumental Acuario Sonoro. Actualmente exerce de mestre no ensino público.

❮ ❯