O fillo do acordeonista

Joseba e David, o fillo do acordeonista, dous amigos, case dous irmáns, reencóntranse en California e rememoran os seus días de infancia en 1957 na escola do seu territorio natal de Obaba, retratado dende os tempos da República e da Guerra Civil aos da posguerra e remate do franquismo. Dúas historias case paralelas rescatadas dos infernos da guerra e da violencia, que serven para abordar de forma valente os temas clásicos e eternos da mellor literatura: o amor, a memoria, a lingua, a amizade e tamén a tristeza do emigrante que deixa a súa terra sabendo que nunca volverá. Unha obra na que amor, a amizade e o consolo nos redimen. Unha novela de longo alento, de lectura e beleza cativadora, considerada pola crítica como o maior logro narrativo do seu autor e como a primeira grande novela escrita en éuscaro.

Formato:

31,95 €

( impuestos incluidos )

SOBRE EL AUTOR/A

Bernardo Atxaga

Bernardo Atxaga (Asteasu, Gipuzkoa, 1951) licenciouse en Ciencias Económicas e desempenou diversos oficios ata que na década de 1980 consagrou o seu quefacer á literatura escrita orixinalmente en éuscaro. Como narrador ten publicado, entre outras obras: "Bi letter jaso nituen oso denbora gutxian" (1984) ("Dúas letters", 1992), relato; "Bi anai" (1985) ("Dous irmáns"), novela curta; "Obabakoak" (1989), novela, Premio Euskadi, Premio da Crítica, Prix Millepages e Premio Nacional de Narrativa; "Behi euskaldun baten memoriak" (1991) ("Memorias dunha vaca", 1999); "Gizona bere bakardadean" (1993) ("O home só"); "Zeru oriek" (1995) ("Eses ceos"); "Sara izeneko gisona" (1996) ("Unha espía chamado Sara", 1998) e "Soinujolearen semea" (2003) ("O fillo do acordeonista", Xerais 2004), novela, premio da crítica 2003. Como poeta publicou "Etiopía" (1978), "Henry Bengoa, inventarium" (1988), "XX. Mendeko poesia kaeirek" (2000), antoloxía.

Ramón Nicolás

Ramón Nicolás (Vigo, 1966) é profesor e crítico literario. Escribe semanalmente nas páxinas do suplemento Fugas de "La Voz de Galicia" e con asiduidade no blog literario Caderno da crítica. É membro da Fundación Celso Emilio Ferreiro e doutras asociacións críticas e literarias, alén de dirixir a colección Biblioteca das Letras Galegas de Xerais. Asinou diversas traducións e ensaios, ademais de estudar a obra de autores como Manuel Luís Acuña, Manuel Lueiro Rey, Álvaro Cunqueiro, Ramón Cabanillas, Lugrís Freire ou Celso Emilio Ferreiro. Os seus últimos libros foron a biografía "Onde o mundo se chama Celso Emilio Ferreiro" (Xerais, 2012), "Antoloxía do Rexurdimento" (Xerais, 2024) e as novelas "O espello do mundo" (Xerais, 2016) e "Lapis na noite" (Xerais, 2018). Foto de Anxo Cabada

❮ ❯