Iraq: Días de posguerra

O Iraq da posguerra é unha mestura de horror, tensión, medo, sufrimento, sorpresa e morte que impregna a vida dos seus habitantes. Tras a invasión, o soño dun país mellor quedou convertido en pesadelo. Este libro non é unha análise xeopolítica da situación do Iraq ocupado. Este volume recolle as reportaxes fotográficas realizadas nas viaxes de Javier Teniente, un correspondente galego que fixou a súa mirada sobre as verdadeiras vítimas desta situación estremecedora. Esta é a crónica de urxencia dun fotógrafo valente que retrata o que pasa en Iraq a diario, dende a miseria dos hospitais de Bagdag, onde se realizan operacións a vida ou morte en inmundas salas de quirófano, os caídos anónimos dos centos de tiroteos, ata a vida dos nenos e mozos que inventan cada día as súas vidas nas rúas da capital. O medio centenar de fotografías v precedido por un limiar de David Beriain, correspondente de “La Voz de Galicia” no conflito iraquí. Un documento, pois, da esperanza de que as cousas cambien.

Formato:

20,95 €

( impuestos incluidos )

SOBRE EL AUTOR/A

Xavier Teniente

Xavier Teniente (Vigo,1968) comezou o seu traballo como fotógrafo profesional no xornal "Atlántico Diario" e posteriormente en "Faro de Vigo". Na actualidade traballa como fotógrafo independente. Realizou reportaxes en Mauritania, Tanzania, Mozambique, Honduras, Ecuador, Kosovo, Timor, India, Iraq. As súas fotografías foron publicadas nalgunhas das revistas e periódicos máis importantes de España ("Planeta Humano", "Interviu", "Magazine", "La Vanguardia", "El Mundo", "El Semanal", "Geo"...). Realizou as exposicións, individuais, "Emergencias Humanitarias" (2000/1), "Mans salgadas" (2003) e participou nas mostras colectivas "Imágenes por la dignidad" (2000), selección de corenta fotógrafos de prestixio internacional como Sebastiao Salgado ou Christine Spengler; "Fotobienal de Vigo" (2000); "Photoespaña" (2000); Exposición na Robert Miller Gallery de Nova York (2002) en beneficio das comunidades marxinais, coa participación de fotógrafos e artistas de todo o mundo. Publicou os seguintes libros fotográficos: "La Ruta Iluminada" (2000); "Emergencias Humanitarias" (2001), en colaboración con Médicos del Mundo; "Mans Salgadas" (Xerais 2002), "Iraq. Días de posguerra" (Xerais 2003) e "Cabalos de vento. Curros de pedra" (Xerais 2009), en colaboración co pintor Xosé Guillermo.