Lionel Rexes

Lionel Rexes (París, 1971), formado na Universidad Autónoma de Madrid, reside no Alfoz do Castrodouro desde mediados da década de 1990. É autor da novela «A raíña das velutinas» (Xerais, 2017, XXIII Premio Manuel Lueiro Rey de Novela Curta), do estudo paremiolóxico «Ditos e refráns do Valadouro» (2013) e de varias narracións curtas premiadas en diversos certames («Abonda que lle chamen Porto», Lonxa Literaria 2011; «Luzada», Minicontos de Outono 2011; «A patria era unha aira», Relatos de Verán-Redelibros.es, 2012; «A hucha das mazás», accésit do Lonxa literaria 2015; «Monsieur Bocskai», acccésit do Modesto R. Figueiredo 2015, e «A mortalla do demo», segundo premio do Certame Literario Concello de Ames). Con «A montaña do poeta» (Xerais, 2022) conseguiu o XXVIII Premio Manuel Lueiro Rey de Novela Curta. Desde 2014 publica textos e artigos sobre aspectos literarios e lingüísticos no blog «Vasoiras de xibarda» (www.blogoteca.com/vasoirasdexibarda). En 2015 e 2016 foi organizador do encontro estival de escritores Ponte Literaria.