A memoria e o esquecemento

Convencido de que achegar á sociedade o nome das vítimas, as voces e os lugares é insuficiente, o autor afonda na memoria colectiva ata dar cos que compuxeron o heterodoxo grupo dos erguidos en armas contra a II República, os cómplices necesarios, as razóns da súa alianza e o porqué dos seus actos e do seu acomodo no partido único. En A memoria e o esquecemento tamén aparece recollido como, despois de trinta e nove anos, moitos deles iniciaron un doce aggiornamento que os levou a atravesar o Rubicón da transición convertidos en demócratas.
Froito da súa pescuda en arquivos do país pouco explorados ata o momento, Gonzalo Amoedo analiza de forma exhaustiva neste libro a organización interna da Falanxe na provincia de Pontevedra. O autor informa dos distintos sectores da sociedade que participaron nos actos da represión que se produciron durante os anos da ditadura franquista achegando datos e materiais que serán de inescusable referencia no futuro.

Formato:

28,50 €

( impuestos incluidos )

SOBRE EL AUTOR/A

Gonzalo Amoedo López

Gonzalo Amoedo López (Redondela, 1959) é autor ou, nalgúns casos, coautor das seguintes obras: A Prensa en Redondela, aproximación histórica 1883-1933 (Xerais, 2001); Redondela, crónica dun tempo pasado. A Segunda República e o primeiro franquismo (2002); Arredor de nós. Historia da Policía Local de Redondela 1863-2000 (2003); A taberna de Nador (2004); Memorias de Manolo Barros. Autobiografía dun militante comunista (2006); Episodios de terror durante a Guerra Civil na provincia de Pontevedra. A illa de San Simón (Xerais, 2007). Ademais publicou os estudos "Don Juan Manuel Pereira de Castro, paralelismos con don Juan Manuel de Montenegro" (na revista de estudos valleinclanianos Cuadrante, 2001) e "As illas de San Simón" nas Actas do IIº Congreso da Memoria, Culleredo (2006). No ámbito da ficción escribiu os relatos "Unha historia que ninguén contara", en Palabra por palabra. Contos da policía (2003) e "O autobús sempre para en Teis" na colección Relatos da paisaxe (2009). Así mesmo, escribiu o guión do documental dirixido por Cuchi Carreira Manolo Barros, un rebelde de aceiro (2007).