A maldición do papiro alexandrino

Nadal de 1918. Ao finalizar a Gran Guerra, Atenea Donadieu regresa a Francia para iniciar os seus estudos universitarios. Axiña, a súa intelixencia e os seus coñecementos chaman a atención na Facultade e levan a súa compañeira Olga Aleksandrova a facerlle unha encarga moi especial: debe axudarlle a recuperar un antigo papiro roubado. Deste xeito, Atenea non só lle fará un gran favor á súa nova amiga, senón que evitará o cumprimento da maldición que ameaza o novo dono do manuscrito.

Formato:

6,99 €

( impuestos incluidos )

SOBRE EL AUTOR/A

Beatriz García Turnes

Beatriz García Turnes naceu en Santiago de Compostela en 1973 e actualmente vive en Teo. É filóloga e profesora. Escribe dende a adolescencia e, no ámbito da ficción, publicou o discurso "Os mellores agasallos" do «Libro dos Reis Magos» (2012), o libro de contos «Comando Sintrom» (2024) e tres novelas xuvenís: «Valdamor» (2001), que foi premio Lecturas da Asociación Galega do Libro Infantil e Xuvenil (Gálix); «O ouro das lúas» (2018) e «Esta noite hei de ir a verte» (2021). Tamén ten publicados libros e artigos relacionados co seu traballo de lingüista. En 2024 publicou «A maldición do papiro alexandrino» na colección Fóra de xogo de Xerais.