A media hora dos heroes

licenciouse en Filoloxía Galega pola Universidade de Vigo e traballa dende hai anos como editora, o que compaxina co activismo a prol da lectura na asociación Espazo Lectura, da que é socia fundadora. É coautora de diversos materiais de ensino da lingua galega, tradutora de obras da literatura infantil e xuvenil e autora dos álbums «Pioneiras. Galegas que abriron camiño» (Xerais 2018), ilustrado por Nuria Díaz, «Pioneiras 2. Galegas que abriron camiño» (Xerais 2019), con ilustracións de Abi Castillo, e «Guía ilustrada dos seres fantásticos que viven en Galicia sen que talvez o saibas» (Xerais, 2025), ilustrado por David Rodríguez.

Miguel López, O Hematocrítico, naceu na Coruña en 1976. Profesor de Educación Infantil, Inglés e Primaria, creador de contidos, escritor, podcaster..., publicou en Xerais numerosos títulos infantís de grande éxito, como a serie «O Bosque dos Contos» («Feliz feroz. O lobiño riquiño» (2016), «Axente Riciños» (2016) e «O lobo con botas» (2018), ilustrados por Alberto Vázquez; «Rapunzel con piollos» (2019), «Alcaldesa vermella» (2020), «Vaia cabuxiño!» (2021); «Axente Riciños. Misión Princesa» (2022) e «Morto de fame» (2023), ilustrados por Mar Villar) ou os cómics de Lendas do Recreo («A media hora dos recreos» (2020) e «Campións do mundo» (2020)), ilustrados por Albert Monteys. En 2021 nace a serie Os Hematiños, ilustrada por Alberto Vázquez, con cinco títulos publicados: «Un can» (2021), «O meu irmono» (2021), «Gaivota gourmet» (2022), «Oso banda» (2022) e «Unha unicornia» (2023). Na colección Sopa de Libros publicou a novela «Dona Problemas» (2023), e ese mesmo ano, a novela «Caramomia» escrita xunto a Ledicia Costas, María Lado e Daniel Landesa. Faleceu o 27 de novembro de 2023 á temperá idade de 47 anos, cando estaba traballando na edición de «Dona Problemas, salvadora da escola» (Xerais, 2024). En 2025 ve a luz o terceiro volume desta serie: «Dona Problemas, rescatadora de mascotas».

Albert Monteys (Barcelona, 1971) é historietista e ilustrador. De 2004 a 2014 publica na revista «El Jueves» as series «Tato» e «¡Para ti, que eres joven!», esta última con Manel Fontdevila. Dende 2014 ata 2017, xunto con outros guionistas e debuxantes crea a revista dixital mensual «Orgullo y satisfacción», da que se publicarían 46 números. En 2018 publica «El show de Albert Monteys», serie humorística de corte autobiográfico e unha reedición ampliada de «Carlitos Fax», personaxe creado para a revista «Mister K», orientada ao público infantil. En formato dixital mantén dende 2014 a exitosa serie de ciencia ficción «¡Universo!», pola que recibiu o Premio Zona Cómic e mais o Premio Cómic Barcelona á Mellor Obra de Autor Nacional, así como a candidatura aos Premios Eisner ao Mellor Cómic Dixital por en 2017. Entre outros moitos galardóns, en 1994 conseguiu o Premio do Saló do Cómic de Barcelona ao Mellor Fanzine por «Mondo Lirondo» e en 1996 o Premio ao Autor Revelación por «Calavera Lunar». «A media hora dos recreos» (2020) e «Campións do mundo» (2020) son as súas primeiras obras en Xerais.