Caramomia

María Lado (Cee, 1979) é escritora, tradutora e actriz. Como poeta, publicou «A primeira visión» (1997), «casa atlántica, casa cabaret» (Xerais, 2001), «berlín» (2005), «nove» (2008), «Amantes» (2011), «oso, mamá, si?» (Xerais, 2015) ou «Gramo Stendhal» (2020). É autora tamén do álbum infantil «Porque Cuqui non quere ir á lavadora» (2014) e, como narradora, publicou «Entre os dous hai un río» (2016). Con Lucía Aldao forma o dúo poético Aldaolado, que publica en 2020 o libro de poemas «Ninguén morreu de ler poesía» (Xerais, 2020). Con motivo da homenaxe polo Día das Letras Galegas ás cantareiras e á poesía popular oral, publica o libro infantil «Canta, miña compañeira. O legado das cantareiras» (Xerais, 2025).

Ledicia Costas (Vigo, 1979) é unha das escritoras máis traducidas e recoñecidas da literatura galega, e os seus libros son constantemente reeditados. Na colección Narrativa de Xerais publicou os relatos de «Un animal chamado néboa» (2015), Premio Losada Diéguez, e as novelas «Infamia» (2019), «Golpes de luz» (2021) e «Pel de cordeiro» (2024). Tamén é autora de diversas novelas de fronteira, como «O corazón de Xúpiter» (Xerais 2012), Premio Neira Vilas; «Recinto Gris» (Xerais 2014); «Jules Verne e a vida secreta das mulleres planta» (Xerais 2016), Premio Lazarillo, Premio Gala do Libro Galego e The White Ravens; ou «A balada dos unicornios» (Xerais 2018), Premio Lazarillo, Premio Kelvin 505 á mellor novela xuvenil orixinal de 2019. En 2014 recibiu o Premio Merlín e o Nacional de Literatura Infantil e Xuvenil por «Escarlatina, a cociñeira defunta» (Xerais 2014). É autora doutros títulos emblemáticos como «Esmeraldina, a pequena defunta» (Xerais 2016); «A señorita Bubble» (Xerais 2018), Premio Gala do Libro Galego; «Conexión Macarrón» (Xerais 2019); «Vampira de biblioteca» (Xerais 2020); «A señorita Bubble baixo cero» (Xerais 2020), «A señorita Bubble. Deus salve as raíñas» (Xerais 2023), así como os títulos da serie Os Minimortos: «Benvidos ao Outro Barrio» (Xerais 2020), «Criando malvas» (Xerais 2021), «Escola de salvaxes» (Xerais 2021), «O Día dos Vivos» (Xerais 2021) e «Ai, que risa!» (Xerais 2022). En 2021 foi recoñecida co Premio da Cultura Galega e gañou o Premio Merlín de Literatura coa novela «O neno de lume» (Xerais 2022). En 2022 gañou o XX Premio de Poesía Afundación con «Ultraluz» (Xerais 2023). «A lebre mecánica» (Xerais 2022) fíxoa merecedora por terceira vez do Premio Lazarillo 2021. En 2023 publica o seu primeiro álbum ilustrado, xunto con David Sierra Listón, «Sete dentes de león» (Xerais, 2023). No ano 2024 inicia unha nova serie infantil para primeiros lectores con tres títulos ata o momento «Curriño. O can influencer», «Curriño. Benvido ao equipo» e «Curriño. Fama ou fuga».

El Hematocrítico (Miguel López) nació en A Coruña en 1976. Profesor de Educación Infantil, Inglés y Primaria, ha firmado varios títulos infantiles de éxito, como la serie "El Bosque de los Cuentos" (Feliz Feroz, Agente Ricitos, El lobo con botas, Rapunzel con piojos, Excelentísima Caperucita, ¡Menudo Cabritillo! y Agente Ricitos: Misión Princesa); la colección de cómics infantiles Leyendas del recreo, los libros para prelectores Un perro, Mi hermono y Gaviota gourmet; la antología colectiva Fantasmada... También es autor de Cuadernito de escritura divertida, Mi diario de verano y la serie Max Burbuja. Junto a Noel Ceballos firmó la novela para adultos Los cinco superdetectives: Aquí no bebíamos cerveza de jengibre y creó su popular programa Los Hermanos Podcast. Añadimos a esta bibliografía creciente los libros de humor que nacieron en sus blogs, como El Hematocrítico del arte y Drama en el portal. Colaboró con las revistas Cinemanía y GQ, y como guionista en Los Felices Veinte, programa presentado por el director de cine Nacho Vigalondo. Es autor también de proyectos de humor en Internet con tanta repercusión como Drama en el Portal, El Hematocrítico de Arte o Legends of Hemato. Falleció el 27 de noviembre de 2023 a la temprana edad de 47 años, a causa de un infarto.

Daniel Landesa (barrio de Coia - 1976). Filólogo de formación, traballa no campo da publicidade e da edición. Leva escribindo e impulsando proxectos literarios desde a súa época universitaria. Coordinador da revista Criaturas, publicación especializada en literatura infantil e xuvenil de Galicia (www.criaturas.gal) tamén é un dos fundadores do colectivo Poetas da Hostia, creadores dos recitais-combate «A hostia en verso», o espectáculo «Poxa de poetas: Vendo a miña alma» e o exercicio de escrita en directo «O seu poema, grazas». Como autor de poesía publicou varios textos como Gallaecia (Xerais, 2001), Da casa nova (Emerxente, 2014) e Ningún paxaro exótico (A vida en Prypiat, 2017). Ademais, é coautor do álbum ilustrado Unha sorpresa para Goruk (Galaxia, 2012) xunto coa ilustradora María Longa, que tivo a honra de ser un dos primeiros contos animados en galego. Penumbra, finalista do II Premio Antón Risco de Literatura Fantástica, é a súa primeira novela.

Martín Romero (Boiro, 1981). É ilustrador, autor de cómics e director de animación, e combina todas estas disciplinas para desenvolver os máis diversos proxectos. Como ilustrador realiza traballos que van dende o ámbito publicitario ata o editorial. Os seus cómics «Las fabulosas crónicas del ratón taciturno» (2011), «Episodios Lunares» (2015) e «La deuda» (2017), publicados en España por diferentes editoriais, tamén foron traducidos ao francés. Acaba de dirixir a súa primeira curtametraxe de animación: «La noche». www.martinromero.es