Chove!

Traballou como ilustrador para editoriais, cine, prensa, televisión e publicidade, e deu clases de ilustración e deseño nunha escola de moda. Na actualidade dedícase ao mundo da edición, tarefa que compaxina co traballo no seu estudio. Entre os títulos que ilustrou están "Etiqueta para todos" (Xerais, 2009), "Estamos no verán" (2014), "Teatro de guiñol" (2016), "Cociñando con Bolboretas no bandullo" (Xerais, 2018), "A araña que lles tiña medo ás arañas" (Xerais, 2019), "Meigas fóra!" (Xerais, 2020), "Soños de Cajamarca" (2021), "Darío a diario" (Xerais, 2021), "O neno de lume" (Xerais, 2022), "Violeta Parapluie e outras historias de xente pouco corrente" (2022), "Gloria" (2023), "Federico" (2023) "Maios e desmaios" (Xerais, 2025), "Dona Carme" (2025) e a serie de banda deseñada "Miñoca" (Xerais, 2021/2022/2023/2024). En 2022 escribiu e debuxou "Os Winkle. Máis finos ca un allo".

Licenciado en Filoloxía Hispánica, traballa no eido da edición. Ten publicados os seguintes títulos para o público infantil: «Violeta quere ser vampiro. Un Conto do Samaín» (Xerais, 2017), «É tempo de Entroido!» (Xerais, 2018), «A araña que lles tiña medo ás arañas» (Xerais, 2019), «Meigas fóra!» (Xerais, 2020), «Non pare a festa» (Xerais, 2021), «De festa en festa» (2022), «Gloria» (2023), «Inventario de bruxas da avoa Maruxa» (2023), «Violeta ás agachadas» (Xerais, 2023) e «Maios e desmaios (Xerais, 2025)». Tamén é autor das series «Miñoca» (Xerais, 2021/2022/2023/2024) e «Fani e Dani» (2023/2024), e colaborou no volume colectivo «Era outra vez» (2022) coa adaptación do conto de Óscar Wilde «O xigante egoísta». En 2021 gañou o Premio Arume de Poesía para a Infancia con «Violeta Parapluie e outras historias de xente pouco corrente» (2022) (Selección OEPLI, 2022 / Premio Frei Martín Sarmiento, 2024); en 2022, o XV Premio El Príncipe Preguntón de Poesía para Niños con «O delirante restaurante de Héitor Mórtimer e a súa clientela aberrante» (2023); en 2023, o Premio Anisia Miranda de Teatro para a Infancia con «Medo me dá!» (2024) e en 2025 o I Certame Literario Jaime Olmedo Limeses con «Pernascochas» (2025). Publicou os contos en liña «#EuQuedoNaCasa» (2020), sobre o confinamento provocado pola covid-19; «Bombas de chocolate» (2022), sobre a guerra de Ucraína e «Sucedeu en Samede», sobre a celebración do Entroido nesta localidade (2024). Para o público adulto publicou «Zoom» (Xerais, 2022). Na actualidade coordina a conta de Instagram @podiachovermerda, onde todos os textos son da súa autoría. Parte da súa obra está traducida ao catalán e ao castelán.