Dúas bágoas por Máquina

Cando Xusta fixo seis anos, recibiu da súa familia un agasallo moi especial: un can, ao que lle puxeron o nome de Máquina. Desde aquel día, Xusta e Máquina foron dous amigos inseparables. Pero, co paso dos anos, a familia da nena foi cansando do animal. E, sen que Xusta o saiba, o pai decide desfacerse del abandonándoo nunha estrada. Unha emotiva novela, narrada con tenrura e humor, que aborda toda a complexidade das relacións entre os nenos e os animais.

Lectura recomendada

Precio:

13,50 €

( impuestos incluidos )

SOBRE EL AUTOR/A

Fina Casalderrey

Fina Casalderrey (Xeve, Pontevedra, 1951) é un dos grandes nomes da literatura galega, distinguida ao longo da súa traxectoria con prestixiosos premios e recoñecementos. Deuse a coñecer en 1991 coa novela xuvenil «Mutacións xenéticas», ano en que gaña o Premio Merlín de Literatura Infantil con «Dúas bágoas por Máquina» (1992-2025). En 1996 foille concedido o Premio Nacional de Literatura Infantil e Xuvenil por «O misterio dos fillos de Lúa», obra que xa obtivera o Barco de Vapor 1994. Desde entón, publicou máis de setenta títulos, dirixidos preferentemente a lectores infantís ou xuvenís, aos que lles hai que sumar as historias recollidas en volumes colectivos. Ademais, colabora en prensa con artigos e traballos para diferentes publicacións. Os seus libros, escritos orixinalmente en galego, tradúcense acotío a outras linguas. Desde novembro de 2013 forma parte da Real Academia Galega. É nomeada en varias ocacións como candidata española aos Premios Andersen e Astrid Lindgren. En Xerais publica unha parte importante da súa obra; os títulos máis recentes son «Historia da bicicleta dun home lagarto» (2014), «O xenio da Cidade do Sal» (2021), «A Muller Xabaril» (2023) e «Operación Lola Carola» (2027). A súa web é fina.casalderrey.com

Víctor Rivas

Víctor Rivas (Pontevedra, 1965). Dedícase profesionalmente á ilustración, debuxo de cómic e comunicación visual dende 1989. Hai anos que debuxa tamén para todo o mundo a través dunha axencia en Nova York. Atópase cómodo en contornos dixitais e en calquera estilo de debuxo, aínda que os mundos fantásticos e as estéticas vitorianas son a súa preferencia. Para Xerais ilustrou o proxecto literario de Ledicia Costas «Escarlatina»: «Escarlatina, a cociñeira defunta» (2014), «Esmeraldina, a pequena defunta» (2016) e «Os arquivos secretos de Escarlatina» (2017). Ilustrou así mesmo as novelas «Dúas bágoas por Máquina» (1992-2025), «Volverás, golfiño» (2014), «Quokka Moka» (2019), «Vampira de biblioteca» (2020) e «Axencia Galega de Asuntos Máxicos» (2024). Tamén é autor das ilustracións do álbum «Dez gatiñas viaxeiras» (2019) e do libro de poemas «No xardín do poeta» (2022).

❮ ❯