Incidencia muller pedra

Ela e mais el.
Ela é obrigada a recibir terapia, acusada de escándalo público.
El, terapeuta, executa a sentenza.
«Incidencia muller pedra» fálanos do poder presente nas supostas medidas de reinserción e da incapacidade de aceptación de sensibilidades diferentes.
Nun mundo cada vez máis tendente ao normativo, ela loita por manterse fóra dos canons e das perversas lóxicas sociais en contra das voces ríxidas de quen sabe e quen dita.
Porque hai xente que sabe e dita, e dío así, sen rubor. Este texto vai en contra deles e rise deles. Ou esa é unha das intencións.

Formato:

18,50 €

( impuestos incluidos )

SOBRE EL AUTOR/A

Avelina Pérez

AveLina Pérez (Santa María de Oia, 1969). Formada en interpretación na escola Santart e titulada en dirección de escena e dramaturxia pola ESAD de Galicia. Inicia a súa andaina profesional como directora da Compañía Teatro do Lume e, posteriormente, crea un novo proxecto escénico co seu propio nome que abarca as producións propias, a escrita teatral e a impartición de obradoiros. É directora, dramaturga e actriz das pezas «Desde ese silencio»; «Eco»; «Segunda man. Estado aceptable»; «Por favor, ténteo novamente máis tarde»; «A que non podes dicir cocacola? (I e II)»; «Deixa de tocala, Sam»; «Os cans non comprenden a Kandinsky» e «Gañaremos o pan coa suor da túa fronte». Recibe varios premios en dramaturxia, entre eles o Álvaro Cunqueiro coa peza «Ás oito da tarde, cando morren as nais» (Xerais, 2019), posta en escena polo CDG en 2022 e traducida ao portugués e ao francés, e o Abrente de textos teatrais con «O día no que bicar a terra». En 2024 volve gañar o Álvaro Cunqueiro con «Incidencia muller pedra» (Xerais 2025).